СПОРТ

Э.Даваанасан дэлхийн цэргийн спортын наадмаас хүрэл медаль хүртлээ

Дэлхийн цэргийн спортын наадмын чөлөөт бөхийн төрөлд Гавьяат дасгалжуулагч Ц.Хосбаярын удирдлагад “Алдар” спорт хорооны долоон бөх өрсөлдсөнөөс ДАШТ-ий алт, мөнгөн медальт, Гавьяат тамирчин С.Цэрэнчимэд мөнгөн медаль хүртсэн талаар бид өмнө нь мэдээлсэн. Наадмын сүүлчийн өдөр буюу өчигдөр түүний амжилтыг эмэгтэйчүүдийн 68 кг-д 2018 оны цэргийн ДАШТ, 2019 оны Иван Ярыгиний нэрэмжит “Алтан гран при”, “Монголиа Опен” тэмцээний мөнгөн медальт, ОУХМ Энх-Амарын Даваанасан буухиалав.

Ирэх долоо хоногт 23 хүртэлх насны ДАШТ-д эх орноо төлөөлөн зодоглох тэрбээр өмнөх тойргуудад Нигерийн Реубен Амучечиг цэвэр, Гвинейгийн Фатумата Камараг 2:0-ээр ялсан ч хагас шигшээд “Бээжин-2008” олимпийн наадмын хүрэл медальт, Польшийн Агнешка Вейшчект 11:6-гаарр ялагдсан. Улмаар хүрэл медалийн төлөөх барилдаанд Бразилийн Дайлан Реисийг 9:5-аар яллаа.

Мөн эмэгтэйчүүдийн 76 кг-д барилдсан ОУХМ Г.Ариунжаргал хүрэл медалийн төлөөх барилдаанд 2017 оны цэргийн дэлхийн аварга, Украины Алла Белинскаяд 6:2-оор ялагдан, V байрт шалгарав.

Б.БУЯНДАЛАЙ

Энэ мэдээнд таны өгөх үнэлгээ
Like
Love
Haha
Wow
Sad
Angry
Таг

Холбоотой мэдээ

5 Сэтгэгдэл

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button