Бүх цаг үеийн хамгийн шилдэг сагсан бөмбөгийн тамирчдын нэг, “NBA”-ийн 6 удаагийн аварга Майкл Жорданыг мэдэхгүй хүн ховор. Тэгвэл танд өөр нэг Майкл Жорданыг танилцуулъя.
Дэлхийн хамгийн хүнд жинтэй хулууны рекордыг 1,247 кг жинтэй Майкл Жордан нэртэй хулуу эвдсэн байна. Жорданыг ургуулсан Миннесота мужийн оршин суугч Травис Гиенгер 30 мянган ам.долларын шагнал авах юм.
Калифорни мужид болсон Дэлхийн хулуу жинлэх тэмцээнд оролцож рекорд эвдсэнийхээ дараа Гиенгер “Үнэхээр сэтгэл өндөр байна” гэж хэлжээ. Тэрбээр Жорданыг дөрөвдүгээр сарын 10-ны өдөр Миннесота мужид тарьсан байна.
Үүнээс хойш Гиенгер өдөрт 12 удаа хулуугаа усалж, Жорданыг арчлах зардалд нийтдээ 15 мянган ам.доллар зарцуулжээ. 43 настай тэрбээр өсвөр наснаасаа эхэлж хулуу тариалж, гурван удаа Дэлхийн хулуу жинлэх тэмцээнд ялж байсан юм.
Эх сурвалж: BBC
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.