Ирэх сарын 1, 2-нд "Инээмсэглэл" хамтлаг тоглоно

Он солигдох торгон мөч ойртон дөхсөөр. Арваннэгдүгээр сар гарснаас хойш Улаанбаатар хотод шинэ жил, баярын үйл ажиллагаа ар араасаа тасралтгүй үргэлжилж байна. Харин ийм эгзэгтэй, сэтгэл догдлом цаг мөчид онцлохгүй байхын аргагүй нэгэн тоглолтын тов зарлагджээ.

Монголын рок попын анхдагчдын нэг, дуу хөгжмийн эгшигт яруу түүхийг бичилцэж яваа эрхэм уран бүтээлчид болох “Инээмсэглэл” хамтлагийг танилцуулах нь илүүц болов уу. Энэ жил “Инээмсэглэл” хамтлаг 45 жилийн тэгш ойн баярын тоглолтоороо сонсогчдынхоо сонорыг мялаахаар бэлтгэлээ базааж эхэлсэн байна. Тэд 13 жилийн дараа ийнхүү Соёлын төв өргөөнд тоглолтоо зохион байгуулахаар болсон нь 70, 80-аад оны алтан үеийн дуунд дуртай сонсогчдын хувьд үнэхээр сайхан мэдээ гэдэг нь лавтай.

Тус тоглолтод “Инээмсэглэл”-ийн гишүүдийн дүү нар, үр хүүхдүүд болох Б.Ангирмаа, Т.Бат-Оргил, Д.Тэнгисмаа, Б.Наранзун, Г.Эрдэнэ-Солонго, Ц.Юдко, Ч.Ганбат нар тус тоглолтод дуу хуураараа бэлэг барих юм. Залуу насны дурсамжийг зурайтал сэргээх “Энх өглөө”, “Хослон дуулъя”, “Зүрхний үг” гэх мэт дэндүү нандин дууг хайртай дотнын найз нөхөдтэйгөө хамт сонсоорой гэж санал болгож байна. Монголын урлаг соёлын салбарт үнэлшгүй хувь нэмрээ оруулсан домогт уран бүтээлчидтэй хамт нэгэн үдшийг дуун эгшиг дор хайр, баяр, инээмсэглэлээр дүүрэн өнгөрүүлэх мөчийг бүү алгасаарай. Та бүхэн тасалбарыг ticket.mn вебсайтаар авах боломжтой.

Тасалбарыг Ticket.mn-ээр худалдаална

Тоглолт: Соелын төв өргөө

Хэзээ: 2023 оны 12-р сарын 1, 2-ны өдрүүдэд 19.00 цагт

Энэ мэдээнд өгөх таны үнэлгээ

Хуваалцаарай Жиргээрэй