Нэрт хөгжмийн зохиолч, "Чингис хаан" одонт, Хөдөлмөрийн баатар, Төрийн шагналт Б.Шаравын “Сэрсэн тал" уран бүтээлийн 39 жилийн ойн хүндэтгэлийн тоглолт энэ сарын 27-нд болох юм байна.
Соёлын төв өргөөнд, 19.00 цагаас болох эл тоглолтод Үндэсний хөгжмийн их найрал бүрэн бүрэлдэхүүнээр оролцоно. Мөн МУГЖ, ятгач Ч.Мөнх-Эрдэнэ, УГЗ, хөгжмийн зохиолч Б.Чинбат, МУГЖ, хийлч Ч.Дэлгэрцэцэг нарын уран бүтээлчид оролцох юм байна.
Үүний дээр, саяхан болж өнгөрсөн Б.Шаравын нэрэмжит “Мэргэжлийн дуучид, үндэсний хөгжимчдийн олон улсын гуравдугаар уралдаан”-ы шилдгүүд ч уран бүтээлээ толилуулах ажээ.
Г.САНСАРМАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.