Монгол Улс 600 сая ам.долларын “Хуралдай” бондоо дахин санхүүжүүлэх өрийн зохицуулалтын арга хэмжээг арваннэгдүгээр сарын 30-нд зарласан талаар bne Intellinews агентлаг мэдээлжээ.
Тэдний нийтлэлд "Хөрөнгө оруулагчдад 8.75 хувийн хүүтэй бэлэн мөнгөөр худалдаж авах саналыг сунгаж, “Хуралдай” бондыг 2024 онд дуусгахаар төлөвлөжээ. Энэ алхам нь гадаад өрийн тодорхой хэсгийг төлөх хугацааг хойшлуулах боломж олгож байгаа юм.
Монголын Засгийн газар эхний ээлжинд “Гэрэгэ”, “Хуралдай” бондын аль алинд нь таван жилийн хугацаатай 650 сая ам.долларын бонд гаргасан. Гэсэн хэдий ч 138 хөрөнгө оруулагчаас нийт дөрвөн тэрбум ам.долларын захиалга иржээ. Энэ нь зээлийн хүүг 8.75 хувь хүртэл бууруулахад хүргэсэн" гэсэн байна.
Түүнчлэн "Монгол Улсын Сангийн сайд Б.Жавхлан “Монгол Улс "Хуралдай" бондын тухайд дунд хугацааны өрийн удирдлагын амжилттай стратегийн сүүлийн үеийн хэрэглээ бөгөөд манай улс олон улсын хөрөнгө оруулагчидтай тогтоосон бат бэх харилцаанд тулгуурладаг" гэж дурдсаныг эшилжээ.
Цаашлаад "Монгол Улсын Засгийн газар 2012 оноос хойш найман удаа бонд гаргаж, 5.8 тэрбум ам.долларын хөрөнгө босгож, өрийг дахин санхүүжүүлэх, улсын төсвийн алдагдлыг арилгах, томоохон төслүүдийг санхүүжүүлэхэд зориулсан.
Fitch Ratings агентлаг Монголын ам.долларын бондыг “В” зэрэглэлээр үнэлэв. Энэ нь Монгол Улсын урт хугацааны гадаад валют гаргагчийн дефолт (IDR) зэрэглэлийг “В” болгож байгаа юм.
“Хуралдай” бондын эргэн төлөлт нь Монгол Улсын эдийн засаг COVID-19 тахлын нөлөөгөөр сэргэсний дараа хийгдсэн. Тус улсын эдийн засаг 2022 онд 4.7%, 2024 онд 6,2%-иар өсөх төлөвтэй байгаа бөгөөд алдагдал 60%-иар буурч, экспорт эрчимтэй сэргэнэ гэж засгийн газар мэдэгдсэн" гэжээ.
Г.САНСАРМАА
Өмнөх контент:
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.