Нийгмийн

Б.Дашдондог: Гардахыг нь би гардавч, гавьяаг нь та бид хамт хүртэх ёстой

Энэ удаагийн “Чингис хаан” одонг The Hu хамтлагт гардуулах болсныг Ерөнхийлөгчийн Тамгын газрын дарга З.Энхболд өмнө нь мэдэгдсэн юм.

Энэ дагуу The Hu хамтлагт “Чингис хаан” одон гардуулах ёслолын ажиллагаа Төрийн ордонд боллоо. Хамтлагийн гишүүд АНУ-д тоглолттой яваа тул продюсер Б.Дашдондог гардан авсан юм.

The HU хамтлагийн үүсгэн байгуулагч, продюссер Б.Дашдондог, “Яг энэ түүхэн мөчид “Hu” хамтлагийн хөдөлмөрч, авъяаслаг, даруу төлөв залуус маань Монгол угсаатны цаглашгүй их түүх, өв соёл, үндэстэн соёлын урлаг эх орноо сурталчилж нэр алдраа цуурайтуулан дэлхийн үзэгчдийг дуу хуураараа байлдан дагуулсаар байна. Энэ хүртэл бид ганцаараа байгаагүй. Хайрт хань минь, гэр бүл, хамтлагийн менежерүүд, найз нөхөд гээд хүч хөдөлмөр, хүнлэг сэтгэл тус дэмээрээ энэ амжилтыг хамтдаа бүтээсэн хүн бүрт гүн талархлаа илэрхийлж байна. Гардахыг нь би гардавч, гавьяаг нь та бид хамт хүртэх ёстой юм шүү” хэмээлээ.

“The Hu” хамтлаг “Хүннү рок” урсгалаар уран бүтээл туурвидаг, 11 хүний бүрэлдэхүүнтэй.
• МУГЖ Б.Дашдондог-Үүсгэн байгуулагч, продюсер,
• Ц.Надмидтулга – Менежер
• Брэндон Фрайзен – Менежер
• Ц.Галбадрах – Хамтлагийн ахлагч, аянга морин хуур, хархираа хөөмэй,
• Г.Нямжанцан – Төмөр хуур, цуур, хөөмэй
• Б.Энхсайхан – Гал морин хуур, хөөмэй
• Н.Тэмүүлэн – Товшуур
• Г.Одбаяр – Бөмбөр
• А.Жамбалдорж – Соло гитар
• Б.Батхүү – Басс гитар
• М.Өнөмөнх – Хэнгэрэг

Таг

Холбоотой мэдээ

2 Сэтгэгдэл

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button
Close