Шинжлэх ухаан, технологийн сангийн захирлаар Э.Энхпүрэвийг томилжээ.
Тэрбээр, Монгол Улсын хамгийн өндөр IQ-тэй хүүхдээр шалгарч, 13-тайдаа их сургуульд элсэж, 21 насандаа докторын зэрэг хамгаалсан.
"Электрон жаал" нэрээр танигдсан түүний хувьд 2005 онд "Ес-Эрдэм" сургуулийг байгуулж, 2016 оноос хүүхдүүдийн математик болон англи хэлний хичээл хоцрогдлыг арилгах suraad.mn платформыг амжилттай хөгжүүлж яваа. Мөн 2024 оны УИХ-ын сонгуулийн Ардчилсан намын жагсаалтын 27-д бичигдэж, улс төрийн карьер эхлүүлж буйгаа мэдэгдсэн.
Шинжлэх ухаан, технологийн сан (ШУТС) нь Монгол Улсын Засгийн Газрын 1993 оны 12-р сарын 24-ны өдрийн 192 дугаар тогтоолоор байгуулагдаж, мөрдөгдөж байгаа хууль тогтоомж болон холбогдох дүрэм, журмын дагуу үйл ажиллагаа явуулж байна. Тус сан шударга ёс, ил тод байдлыг эрхэмлэн, олон улсын жишигт нийцсэн ахисан түвшний бүтээлч судалгааг тогтмол санхүүжүүлэх замаар Монгол Улсын тогтвортой хөгжилд хувь нэмрээ оруулах зорилготой.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Зөв сонголт
Энэ залууг боловсролын салбарт их юм хийнэ гэж итгэж байгаа
энэ бас яадаг сан бэ? 1993 оноос хойш хичнээн төсөл ямар зардлаар санхүүжүүлээд, ямар үр дүн гарсан бэ? хэдэн ажилтан, яг юу хийдэг... бидний татвараар санхүүждэг гээд л бодхоор хэцүү юмаа
Бид гэдэг ч эзэн биегүй л дээ яг өөрөө хичнээн хэмжээний татвар төлсөн бол
Зөв шийдвэр. Таалагдлаа.