"Антрэ Ресурс"-ийн талбайг хөдөлгөхөөр "Рио Тинто"-гийн Гүйцэтгэх захирал өөрөө Монголд ирнэ
"Оюу толгой" төслийн хүрээнд шинэ хоёр талбайд олборлолт эхлүүлж, ашгийн 20-30 хувийг "Антрэ Гоулд" компани эзэмших асуудлыг ТУЗ-өөр хэлэлцсэн нь өнгөрөгч гуравдугаар сар юм. Түүнээс хойш ТУЗ-ийн ээлжит хуралдаан бүрд хөрөнгө оруулагч талаас дахин дэвшүүлж, Монголын талаас судлах зүйлс бий тул хойшлуулсаар байгаа.
Тэгвэл, энэ асуудлаар хэлцэл хийхээр "Рио Тинто" группийн Гүйцэтгэх захирал Монголд ирэхээр болсныг эх сурвалж мэдээллээ.
"Антрэ Гоулд"-ын охин компани "Антрэ Ресурс" нь Оюу толгойн хоёр талбайд олборлолтын лиценз эзэмшдэг. 2003 оноос хойш тус талбайг огт хөдөлгөөгүй юм. Харин дээрх хоёр талбайг "Оюу толгой" ХХК-ийн эзэмшилд шилжүүлэх замаар олборлолт явуулж эхлэхээр төлөвлөсөн.
Харин манай Засгийн газрын зүгээс үүнийг ихээхэн нухацтай авч үзэх ёстой, зүй нь 2009 оны Хөрөнгө оруулалтыг гэрээг ч өөрчлөх асуудал хөндөгдөнө гэсэн байр суурь илэрхийлдэг.
Түүнчлэн, "Антрэ Гоулд"-ын тодорхой хувийг "Рио Тинто" групп шууд бусаар эзэмшдэг юм.
Энэ удаа Засгийн газар энэхүү "Антрэ Ресурс" компанитай гурван талт гэрээ байгуулах тал дээр санал нэгдсэн гэх.
Өнгөрсөн долоо хоногт "Антрэ Ресурс" эзэмшил талбайд дээрх хүрээний шийдвэрлээгүй асуудалтай байгаа хэдий ч 2024 онд багтаан гүний уурхайн хөгжүүлэлт хийж эхлэхээр шийдсэнээ мэдээлээд байгаа юм.
Ташрамд, "Оюу толгой" ХХК-ийн ТУЗ-ийн гишүүний ажлаа Ж.Тана хүлээлгэн өгчээ. Тэгэхээр түүний оронд шинэ гишүүн томилж байж дараа дараагийн асуудал өрнөх хүлээлттай. ТУЗ-ийн гишүүнийг Засгийн газрын хуралдаанаар томилдог.
Г.САНСАРМАА
"Антрэ Гоулд"-ын энэ асуудлаарх ЗГХЭГ-ын Тэргүүн дэд дарга Б.Солонгоогийн ярилцлагатай танилцаарай.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Энэ новшийн рио тинто тониллоосой
Та буруу сурта лд гүн автсан бна !