Трамвайн төслийг удирдах хүн үнэртэй ус бүтээгч Б.Ану-Үжингээс өөр байсангүй юу

Улаанбаатар хотыг хөгжүүлэх 24 мега төслийн хүрээнд түгжрэлийг бууруулах зорилгоор Улаанбаатар хөнгөн галт тэрэг буюу трамвай төслийг хэрэгжүүлж буй.

Харин төслийн удирдагчаар НИТХ-ын төлөөлөгч Б.Ану-Үжинг томилоод байгаа байгаа юм.

Улаанбаатар хотын түгжрэлийг бууруулах зорилгоор санаачилсан уг төсөл манай улсын хувьд чухал ач холбогдолтой. Учир нь энэхүү бүтээн байгуулалт нь нийслэл хотыг хөгжүүлэх томоохон хэдэн төслүүдийн дээгүүрт эрэмбэлэгдэж байгаа метро, туулийн хурдны зам зэрэгтэй дүйцэхүйц том төсөл.

Гэтэл уг төслийг удирдагчаар үнэртний салбарт хүч үзэж байгаад шууд НИТХ-ын төлөөлөгчөөр томилогдсон барилгын салбарт туршлагагүй хүнийг томилсон анхаарал татав.

-НИТХ-ын төлөөлөгч Б.Ану-Үжингийн боловсрол-

НИТХ-ын төлөөлөгч Б.Ану-Үжин нь "Ujin parfums Mongolia" үнэртэй усны брэндийг үүсгэн байгуулж, “Шарк танк” нэвтрүүлэгт оролцон бизнесээ болгосон гэдгээрээ олонд танигдсан.

Сонгуулийн үеэр ил болгосон ажлын туршлагаас харахад, Тэрбээр үнэртэй усны бизнесийнхээ талаар огт дурдаагүй байдаг юм байна. Харин 1018 онд МАН-ын гишүүн болж байжээ. Энд дурдаагүй үнэртэй усны бизнесээ тэр 2017 онд эхлүүлсэн байдаг.

Эндээс харахад тэрбээр жилийн дотор үнэртэй ус бүтээх мөрөөдөлтэй эмэгтэйгээс улс төрийн намын гишүүн болж хувирсан байгаа юм.

Мөн тэрбээр үнэртэй ус бүтээж, МАН-ын гишүүн болох хугацаандаа буюу 2016-2018 онд АНУ, Линколн сургуульд олон улсын бизнесийг магистраар төгссөн байна.

-Түүний ажлын туршлага-

Харин ажлын гараагаа одоогоос дөрвөн жилийн өмнө Санхүүгийн зохицуулах хорооны Гадаад харилцаа хамтын ажиллагааны газрын мэргэжилтнээр эхлүүлсэн байна. Үүний дараа “Рийч пойнт” үл хөдлөх эд хөрөнгийн менежментийн компанийн гүйцэтгэх захирлаар ажиллажээ.

Энэ хугацаанд мөн л давхар Монголын залуучуудын холбооны удирдах зөвлөлийн гишүүн, Монголын охидын зөвлөл НҮТББ, зөвлөхөөр ажиллаж байгаад 2024 онд Нийслэлийн МАН-ын гишүүнээр элсэж өдгөө НИХТ-өөр ажиллаж байсан байна.

Б.Ану-Үжингийн мэргэжил, ажилласан туршлагаас харахад, Барилга, бүтээн байгуулалтын салбарт огт ажиллаж байгаагүй. Нийтдээ дөрвөн жил салбараас салбар дамжин ажилласан туршлагатай. Мөн үнэртэй ус бүтээх мөрөөдлөө биелүүлж яваа нэгэн аж.

Нийслэл шиг хотын бүхий л төлөвлөлт ажлыг зохион байгуулдаг том газарт түүнээс өөр "Трамвай" гэх том төслийг удирдах мэргэжлийн боловсон хүчин байсангүй бололтой. Татвар төлөгчдийн мөнгөөр хотын асуудлаа шийдвэрлэх энэ мэт чухал ач холбогдолтой том ажлыг мэргэжлийн бус туршлагагүй хүнд өгч дооглох шаардлага байв уу. Х.Нямбаатар дарга аа.

Өөрийн сэтгэгдлээ илэрхийл

Share Tweet