ҮАБЗ байгалийн хийн хоолойн асуудлаар хуралдаж, ажлын хэсэг байгуулахаар шийдвэрлжээ
Монгол Улсын Үндэсний аюулгүй байдлын зөвлөл 2020 оны гуравдугаар сарын 31-ний өдөр хуралдлаа.
Хуралдаанаар Оросын Холбооны улсаас Бүгд Найрамдах Хятад Ард улс руу Монгол Улсын нутаг дэвсгэрээр дамжуулан байгалийн хийн хоолой барих төслийн хамтын ажиллагааг бодлого, зохион байгуулалтаар хангаж ажиллах зорилго бүхий Ажлын хэсгийг Монгол Улсын Шадар сайд Ө.Энхтүвшингээр ахлуулан Үндэсний Аюулгүй байдлын зөвлөлийн дэргэд байгуулахаар шийдвэрлэсэн байна.
Тус Ажлын хэсгийн бүрэлдэхүүнд Үндэсний аюулгүй байдлын зөвлөлийн Нарийн бичгийн дарга А.Гансүх, Гадаад харилцааны сайд Д.Цогтбаатар, Сангийн сайд Ч.Хүрэлбаатар нар багтсан байна.
Ажлын хэсгийн үйл ажиллагааг шуурхай зохион байгуулж ажиллахыг Ажлын хэсгийн даргад даалгажээ.
Эх сурвалж: Ерөнхийлөгчийн хэвлэлийн алба
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
20 ОРЧИМ ЖИЛ ЯРИГДААД МОНГОЛЫГ ТОЙРООД ЯВЧИХАД БЭЛЭН БОЛЧИХООД БАЙСАН ТӨСЛИЙГ Е/С У.ХҮРЭЛСҮХ ПУТИНТЭЙ БИЕЭР ОЧИЖ ШУУД ЯРИА ХЭЛЭЛЦЭЭ ХИЙСНИЙ ҮР ДҮНД УГ ТӨСЛИЙГ МОНГОЛООРОО ДАЙРУУЛАХААР БОЛГОЖ ЧАДСАН ТҮҮХЭН ГАВЬЯАГ МАРТАЖ ҮЛ БОЛНО ! ! !