Говь-Алтай аймгийн Алтай суманд энэ сарын 18-ны өдрийн 15:30-16:10 цагийн хооронд хүчтэй аадар бороо орсоны улмаас үер бууж аж ахуй нэгж, албан газрын зоорийн давхарт үерийн ус орсон тухай найман дуудлага, айлын хашаа, гэрт ус орсон тухай 29 дуудлага, нийт 37 дуудлага тус аймгийн Онцгой байдлын газарт бүртгэгджээ.
Иймд ажлын таван хэсэг зохион байгуулан алба хаагчид ажиллаж нийт таван айлын найман иргэнийг аюулгүй газар нүүлгэн шилжүүлж, Түмэн, Жаргалант, Харзат, Баянхайрхан, Оргил багийн 23 айлд заавар зөвлөгөө өгч, суваг шуудуу татаж үерийн усыг урсган, Алтай чуулгын 200 мкв автомашины тавиулан, “Ундарга-Алтай” ОНӨААҮГ, “Төрийн банк”-ны байрны 205 мкв зоорийн давхарт үерийн ус орсоныг соруулж гаргах арга авсан гэж Говь-Алтай аймгийн Онцгой байдлын газраас мэдээллээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.