ЭТТ ХК-ийн Б.Отгонжаргалын хамаарал бүхий этгээдийн гэрээс мөнгө хурааж, машиныг нь битүүмжилжээ

ЗГХЭГ-ын дарга Д.Амарбаясгалангийн тушаалаар өчигдөр /2022.10.28/ "Эрдэнэс тавантолгой" ХК-ийн Гүйцэтгэх захирал Б.Ганхуягийг үүрэгт ажлаас нь чөлөөлөөд буй. Тэгвэл орой нь АТГ-аас тус компанийн байр, тэр дундаа Б.Ганхуягийн ажлын өрөөнд нэгжлэг хийсэн гэх мэдээлэл түгсэн юм.

АТГ-аас энэ талаар тодруулахад "ЭТТ ХК-ийн зарим албан тушаалтныг шалгаж байгаа нь үнэн" гэсэн.

Тэгвэл эх сурвалжийн өгч буй мэдээллээр "Эрдэнэс тавантолгой" ХК-ийн Худалдан авалтын хэлтсийн дарга Б.Отгонжаргалыг шалгаж буй аж. Тодруулан хэлбэл, эрх мэдэл албан тушаалын байдлаа урвуулан ашиглаж, өөрийн хамаарал бүхий компанид давуу байдал олгосон, үндэслэлгүй хөрөнгөжсөн гэх хэрэгт мөрдөн шалгах ажиллагаа явуулж буй гэнэ.

Шалгалтаар Б.Отгонжаргалын хамаарал бүхий этгээдийн гэрээс их хэмжээний мөнгө хурааж, Бенз Жи-500 тээврийн хэрэгслийг битүүмжилсэн байна.

Түүний АТГ-т мэдүүлсэн 2021 оны хөрөнгө орлогын мэдүүлгийг танилцуулж байна.

Өөрийнх нь орлого 176 сая төгрөг. Харин гэр бүлийнх нь орлого 123 сая. 390 саяар үнэлэгдэх хоёр нийтийн орон сууц, нэг авто зогсоолтой. Тээврийн хэрэгсэлгүй. 15 саяар 50 ямаа, 50 хоньтой. 8 саяар үнэлэгдэх газартай. 280 саяын үнэт эдлэлтэй. 865 мянган төгрөгийн хадгаламжтай. 143 саяын зээлтэй. Эрдэнэс Тавантолгой ХК-д 536ш хувьцаа эзэмшдэг юм байна.

Тооцоолоод үзэхээр түүний нийт хөрөнгө нь: 992 сая 865 мянга болж байна.

Энэ мэдээнд өгөх таны үнэлгээ

Хуваалцаарай Жиргээрэй