Нийслэлийн Баянгол дүүргийн 11 дүгээр хороонд байрлах Эх Хүүхдийн Эрүүл Мэндийн Үндэсний Төвийн/ЭХЭМҮТ/ цахилгаан шатны засвар, шинэчлэлтийн ажил дууссан байна.
Нийслэлийн Хөрөнгө Оруулалтын Газраас мэдээлснээр "Edunburg Elevator" үйлдвэрийн 1м/с хурдтай, 1,000, 630, 400, 150 килограммын даацтай хүн зөөврийн болон эмчилгээний хоол судлалын тасгийн хоол зөөврийн зориулалттай, бага оврын ачааны зориулалттай нийт 24 ширхэг цахилгаан шатыг угсарч, ашиглалтад оруулжээ. Цахилгаан шат суурилуулах, шинэчлэх ажлыг улсын төсвийн хөрөнгө оруулалтаар "Төвхөн трейд ХХК" гүйцэтгэсэн бол НХОГ захиалагчийн техникийн хяналтыг хэрэгжүүлсэн байна.
ЭХЭМҮТ нь 680 ортой, хүүхдийн болон эх барих эмэгтэйчүүдийн эмнэлэг, дэмжих албаны нийт 55 тасаг нэгжтэй, 1,000 гаруй эмч, эмнэлгийн ажилтантайгаар улсын хэмжээнд эмнэлгийн тусламж, үйлчилгээг үзүүлдэг аж.
З.УЧРАЛ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Ширхэгээр тоолдог бол сувинер, атганд багтах юмыг ширхэгээр тоолдог юм хятааад.