У.Хүрэлсүхийн В.Путинд бэлэглэсэн гэх дөрвөн ирвэсийг амьтны хүрээлэн болон ирвэс хамгаалах төвд хувааж өгнө

Орос улс Монголоос дөрвөн цоохор ирвэс хүлээн авна гэх мэдээлэл ОХУ-ын хэвлэл мэдээллийн албан сайтуудад гарчээ.

Тус мэдээнд гуравдугаар сарын 14-нд Казань хотноо болсон “Дэлхийн цоохор ирвэсийг судлах, хамгаалах нь” олон улсын хурлын үеэр Татарстаны Экологийн сайд Александр Шадриков, Монгол Улсын Байгалийн орчин, аялал жуулчлалын яам, ОХУ-ын Байгалийн нөөцийн яам, “Татнефть” ХК-ийн төлөөлөгчидтэй уулзаж хэлэлцээр хийлээ.

Энэ үеэр талаад Монгол Улсын Ерөнхийлөгч У.Хүрэлсүхийн ОХУ-ын төрийн тэргүүн Владимир Путинд өгсөн бэлэг буюу дөрвөн цоохор ирвэсний гэрчилгээний хүрээнд шилжүүлэх гэрээг боловсруулах талаар хэлэлцсэн байна.

Ингээд Монголоос ирэх дөрвөн ирвэсний хоёрыг нь Красноярскийн “Роев Ручей” амьтны хүрээлэнд, хоёрыг нь Бүгд Найрамдах Улсын Райсын санаачилгаар Алтайд бий болсон “Ирвэс” биологийн олон янз байдлыг хамгаалах төвд аваачихаар ярилцлаа гэж Татарстаны Экологийн яамны хэвлэлийн албанаас мэдээлэв.

Мөн дээрх хурлын үеэр талууд “Хүчээ нэгтгэе” бага хурлын үеэр цоохор ирвэсийг судлах, хамгаалах, тоо толгойг нэмэгдүүлэх чиглэлээр хамтран ажиллах гэрээнд гарын үсэг зуржээ.

Харин энэ талаар Монгол Улсын Ерөнхийлөгчийн тамгын газар, Байгал орчин, аялал жуулчлалын яам албан ёсны мэдээлэл гаргаагүй байна.

Эх сурвалж: Вечерняя Казань, Реальное Время

Д.ЖАРГАЛМАА

Энэ мэдээнд өгөх таны үнэлгээ

Хуваалцаарай Жиргээрэй