АНУ-ын Ерөнхийлөгч Доналд Трампын захиргааны өндөр албан тушаалтан Чикаго хотыг дайны бүс хэмээсэн байна. Тодруулбал Дотоодын аюулгүй байдлын сайд Кристи Ноем “Fox News” сувгийн нэвтрүүлэгт оролцохдоо ингэж хэлсэн юм.
Трампын захиргаа гэмт хэрэг, хууль бус цагаачлалтай тэмцэнэ хэмээн цэргүүд Ардчилсан намынхны удирддаг хотууд руу илгээж байгаа. Бямба гарагт /2025.10.04/ Трамп Үндэсний гвардын 300 цэргийг Чикаго хот руу илгээсэн юм. Чикаго бол АНУ-д гэмт хэргийн тохиолдлоор тэргүүлдэг хотуудын нэг. Тус хотын дарга Брэндон Жонсон, Чикаго оршдог Иллиной мужийн дарга ЖБ Притзкер Үндэсний гвардын цэргүүд илгээхийг эсэргүүцсэн ч Трамп ийм алхам хийсэн байна.
Иллиной мужийн дарга Притзкер Бүгд найрамдах намынхан үймээн самуун дэгдээхийг оролдож байна гэжээ. Тэр “Тэд дайны бүс бий болгохыг хүсэж байгаа. Тэгвэл илүү их цэрэг оруулах боломжтой. Тэд хотоос гарах хэрэгтэй” хэмээсэн юм.
Эх сурвалж: CNA
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.