САЙН МЭДЭЭ: ХӨСҮТ-д эмчлэгдээд эдгэрсэн эх амаржиж охинтой болжээ
Эрүүл мэндийн яамнаас шинэ коронавирусийн цаг үеийн асуудлаар ээлжит мэдээллийг хийж байна. 3/24-нөөс эхлэн 5447 иргэн хяналтад байсан. Үүнээс 623 иргэн гэрийн хяналт руу шилжсэн. Хяналтыг сум дүүргийн 122 эмч мэргэжилтнүүд үзэж байгааг мэдээллийн эхэнд онцлов.
ХӨСҮТ-ийн захирал Д.Нямхүү "6/30-нд ХӨСҮТ болон Дархан-Уул аймгийн шинжилгээний багийнхан 406 хүний сорьцонд шинжилгээ хийхэд бүгдэд нь коронавирус илрээгүй. Санамсаргүйгээр 7 сорьцыг түүвэрлэн хийхэд коронавирус илрээгүй байна. Алтанбулаг боомтоор орж ирсэн ачаа тээврийн жолоочид шинжилгээ хийхэд коронавирус илрээгүй. Мөн нэг сайн мэдээтэй. ОХУ-аас ирсэн 21 настай оюутан 36 хоногийн дараа эдгэрч, дараагийн хяналт руу шилжлээ. Мөн коронавирусийн халдвараар өвчлөөд эдгэрсэн эх амаржиж охинтой болсон” гэв.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.