НИЙГЭМХУУЛЬ

Б.Жавхланбаяр: Эд мөрийн баримтад дан бичлэг байгаа, хугацааг хэлэх боломжгүй

НЭМЭЛТ: 16:30 ЦАГТ

Б.Хурц нарт холбогдох шүүх хуралтай холбогдуулан Төв аймгийн эрүүгийн хэргийн шүүхийн Тамгын газрын зохион байгуулалт хариуцсан мэргэжилтэн Б.Жавхланбаяр 16:00 цагт мэдээлэл хийлээ.

Одоогийн байдлаар эд мөрийн баримт шинжилж байна. Үүний дараа бичгийн нотлох баримт шинжилнэ. Шүүх хурлын явцыг харвал маргааш үргэлжлэнэ. Гэхдээ шүүх хуралдааны шийдвэр маргааш гарна. Эд мөрийн баримтад дан бичлэг байгаа. Нэр бүхий дөрвөн гэрч мэдүүлэг өгсөн бөгөөд гэрч нарын мэдүүлэг өгсөн. Мэтгэлцээн ч мөн адил дууссан байгаа. Маргаашаас цааш дахин шүүх хурал хойшлогдохгүй. Маргааш хэрэгт холбогдох этгээдүүдэд ял онооно эсвэл хэргийг мөрдөн байцаалтад шилжүүлэх юм уу хэрэгсэхгүй болно гэсэн үг хэмээн мэдээллээ.

Шүүх хуралдаанд шүүгдэгч нарын 17 өмгөөлөгч, хохирогч нарын дөрөв, хоёр улсын яллагч болон иргэний нийгмийн төлөөлөл нэг хүн байгаа аж.


НЭМЭЛТ: 15:00 ЦАГТ

Гэрч мэдүүлэг өгч дууссан, мэтгэлцээн явагдаж байна

Шүүх хуралдаан 13 цагийн орчимд завсарлан 14:30 цагт эргэн хуралдлаа. Шүүх хуралд оролцогчид мэдээлэл өгөхөөс татгалзсан хэвээр байгаа бөгөөд биднийг тамгын газраас ямар нэгэн мэдээлэл өгөхийг хориглосон. Хэрэв өгвөл бид мэдээлэл өгвөл зөрчлийн хуулиар торгуулна гэлээ.

Харин өмгөөлөгч Г.Батбаяр мэдээлэл сэтгүүлч нарт мэдээлэл өгөхдөө

“Шүүх хуралдааныг 100 цаг явна гэж үзвэл 70 орчим хувьтай үргэлжилж байна. Гэрчүүдээс мэдүүлэг авч дууссан. Үйл явцаар нь мэдээлбэл мэтгэлцээн үе шат дуусах шатанд орж байна. Талуудын мэтгэлцэх цагийг хангахын тулд шүүх хуралдаан ингэж олон цагаар болж байна. Өнөөдөр шүүх хуралдаан дуусахгүй, маргааш дуусах байх. Эрүүдэн шүүсэн гэх 400 цагийн бичлэг гэж огт байхгүй. Шүүгдэгч нарыг дордуулах гэсэн бусдын яриа.

Есөн шүүгдэгчийн эрх харилцан адилгүй зөрчигдсөн. Иймд шүүгдэгч нарын өмгөөлөгчид хэргийг хэрэгсэхгүй болгох, эсвэл хэрэг мөрдөн байцаалтад шилжүүлэх хүсэлтэй байгаа хэмээн ярилаа.  


НЭМЭЛТ: 12:20 ЦАГТ

Сүүлийн гэрч мэдүүлэг өгч эхэлжээ

Тагнуулын ерөнхий газрын дарга асан Б.Хурц нарын есөн хүнд холбогдох шүүх хурал өнөөдөр /2019.08.15/ дөрөв дэх өдрөө үргэлжилж байна. Тус хаалттай хурал олны анхаарлын төвд байгаа билээ.

Тэгвэл шүүх хуралдаан өглөө 09:00 цагт эхэлж, одоо /11:00 цагт/ сүүлийн гэрч орж байгаа хэмээн Төв аймгийн шүүхээс мэдээлэл өглөө.


ЭХЛЭЛ: 10:00 ЦАГТ

Жагсагчид гурил цацаж эмх замбараагүй байдал үүсгэв

Б.Хурц нарын есөн хүнд холбогдох хаалттай шүүх хуралдаан Төв аймгийн сум дундын шүүхэд наймдугаар сарын 12-ноос эхлээд дөрөв дэх өдрөө үргэлжилж байна.

Өчигдөр 21:30 цагийн орчимд шүүх хуралдааны дараа хүлээж байсан иргэдийн төлөөлөл болон төрийн бус байгууллагуудын төлөөлөл нэгэн рүүгээ гурил цацаж эмх замбараагүй байдал үүсгэжээ.

Б.ТОГТУУН

ГЭРЭЛ ЗУРГИЙГ: А.МАНДУУЛ

Энэ мэдээнд таны өгөх үнэлгээ
Like
Love
Haha
Wow
Sad
Angry
Таг

Холбоотой мэдээ

12 Сэтгэгдэл

  1. Нүүрээ нуусан жагса####д оролцож байгаа хүмүүс өөрийн хүслээр бус, мөнгөөр жагсаж байгаагаа л бат####ж байна. СУРВАЛЖЛАГЧ нараа нүүрээ таглагч нарын БОДИТ төрхийг харуулаараа, хэн гэч хурцтан нарын дохиогоор жагссан болж байгааг харая.

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button