БНСУ-д усархаг бороо орж нийслэл Сөүл хот үерт авсан талаар бид өчигдөр мэдээлсэн. Сүүлд ирсэн мэдээгээр, гамшгийн улмаас долоон хүн амиа алдаж, зургаан хүн сураггүй алга болжээ. Нам дор орших газруудад барилга байшин, метроны хонгил усанд автаж, тээврийн үйлчилгээ зогссон байна.
Сөүлийн зарим хэсэг, боомт хот Инчон, нийслэл хот байрлдаг Кёнгиду мужид борооны усархаг чанар 100 мм/цаг байсан бөгөөд хамгийн ихдээ Тонжак дүүрэгт 141.5 мм/цаг хүрчээ. Энэ нь 1942 оноос хойших хамгийн усархаг бороо болсон талаар албаны эх сурвалж мэдээлж байна.
Кёнгиду дүүрэгт есөн хүн гэмтэж, 107 өрхийн 163 хүн орон гэргүй болж, ЕБС болон олон нийтийн бусад газарт толгой хоргодож байгаа аж.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.