Төрсөн эцэгтээ хүчирхийлүүлсэн гэх хоёр настай охинтой холбоотой хэргийн талаар "Хөөрхөн дэлхий" ТББ-ын тэргүүн, дуучин Ч.Уранхолбоо өнөөдөр /2023.03.03/ мэдээлэл хийв.
Тэрбээр прокурорын байгууллагыг ниргэв.
Энэ үеэр хэлэхдээ "Хэрэг дээр анх ажиллаж байсан Хишигмаа эмчийн дүгнэлтийг прокурорууд авч үзэж танилцаад, хүн гэдэг талаас нь хандаж болохгүй байна уу. Яагаад нотлох баримт гэж авч үзэхгүй байгаа юм бэ. Өөр юуг нотлох баримт гэж авч үзэх юм бэ. Тэр бүхнийгээ гаргаад ир прокурорууд. Биднээс ямар нотлох баримт хүсээд байгаа юм бэ. Анхны эмчийн дүгнэлт, хүүхдийн ярьж байгаа зүйл яагаад нотлох баримт биш юм бэ. Хүүхэд хүчирхийлүүлсэн асуудлаар Г.Занданшатар даргатай уулзахаар очиход хүн бүр ягаан пиджакыг минь хараад шоолж байсан. Ягаан өнгө охидыг эрхийг хамгаалах өнгө" хэмээсэн юм.
Дуучин Ч.Уранхолбоо энэ ээжтэй холбогдож, хэргийн холбогдох мэдээллийн талаар нүүр хуудсаараа дамжуулан цацсан. Үүний дараа СХД-ийн прокурорын байгууллагын хэвлэлийн төлөөлөгч н.Чанцалням "Охиныг хохироогүй. Уранхолбоог худал мэдээлэл хэлж буй тухай" ярилцлага өгсөн байдаг.
Хэрэг явдлыг тодруулбал, 2021 онд нэгэн эмэгтэй гарч ирж мэдээлэл хийн олон нийтээс дэмжлэг хүсч байв. Тэрбээр 2019 оны арванхоёрдугаар сард нөхөр охиноо хүчирхийлсэн. Охин мөөмөө идэж байхдаа ээждээ ойлгуулсан бөгөөд эмчийн анхан шатны үзлэгүүдээр баталгаажсан. Гэвч энэ хэрэг шийдэгдээгүй одоо хүртэл явж байгаа" гэсэн билээ.
У.УЯН
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Энэ хэрэг үнэн л байгаа, монголчууд ийм б##иар ш дээ, хуульчид нь хүртэл ийм ёс суртахуунгүй !!!
Ene mandahbayariin yan han iluu um hutsaj yavhiin
Эргүү хүүхэнд хүн гүтгэх ямар ашиг сонирхол байнаа, цагдаа энийг ш##гах хэрэгтэй, мөнгө, авсан да!