СПОРТ

Ё.Басхүү дэлхийн аварга Георгий Зантарияг яллаа

Жүдо бөхийн “Их дуулга” ангиллын тэмцээн АНЭУ-ын Абу Даби хотод өнөөдөр эхэллээ. Түрүүлсэн тамирчин тав, үзүүрлэсэн нь гурав, хүрэл медаль хүртсэн бөх 1500 ам.долларын шагнал хүртэх тус тэмцээнд үндэсний шигшээ багийн ахлах дасгалжуулагч Х.Болдбаатар, туслах дасгалжуулагч Ч.Болдбаатар нарын удирдлагад 16 ЖҮДОЧ оролцож байна.

Эрэгтэйчүүдийн 66 кг-д барилдаж буй “Хилчин” спорт хорооны бөх, Азийн АШТ-ий хүрэл медальт, энэ жил ДАШТ-д V байрт шалгарсан Ёндонпэрэнлэйн Басхүү гуравдугаар тойрогт ДАШТ-ий нэг алт, нэг мөнгө, дөрвөн хүрэл медальт, дэлхийн алдарт бөх Георгий Зантарияг яллаа.

Эхний тойрогт гоц мөргөн, удаах даваанд Тажикстаны бөхийг ялсан Ё.Басхүү хэсгийн аваргын төлөөх барилдаанд олимпын мөнгө, ДАШТ-ий нэг алт, гурван хүрэл медальт, БНСУ-ын жүдоч Ан Баултай өрсөлдөнө.

Б.БУЯНДАЛАЙ

Энэ мэдээнд таны өгөх үнэлгээ
Like
Love
Haha
Wow
Sad
Angry
Таг

Холбоотой мэдээ

3 Сэтгэгдэл

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button