СПОРТ

Нийслэлийн 380 жилийн ойд улсын начин Ч.Хөхчирэнгэр түрүүллээ

Нийслэл хотыг үүсгэн байгуулсны 380 жилийн ойд зориулсан улс, аймгийн алдар цолтой 256 БӨХИЙН барилдаан өнөөдөр Бөхийн өргөөнд боллоо.

Тус барилдаанд Хөвсгөл аймгийн Галт сумын харьяат, “Хөвсгөлийн хүчтэн” дэвжээний бөх, улсын өсөх идэр начин Ч.Хөхчирэнгэр түрүүлж, Ховд аймгийн Буянт сумын харьяат, “Ховд” дэвжээний бөх, улсын харцага О.Хангай үзүүрлэв.

Ч.Хөхчирэнгэр начин наадмаас хойш гурав дахь түрүүгээ хүртэж байгаа нь энэ. Тэрбээр “Хүрээ цам даншиг наадам”,  Баянзүрх хайрханы хишиг барилдаанд түрүүлсэн юм.

Их шөвөгт Увс аймгийн Ховд сумын уугуул, “Увс нуур” дэвжээний бөх, улсын аварга Н.Батсуурь, Ховд аймгийн зэрэг сумын харьяат, “Ховд” дэвжээний бөх, улсын харцага Б.Бат-Өлзий нар шалгарлаа. Харин шөвгийн наймд улсын харцага Н.Золбоо, улсын начин Б.Даваа-Очир, аймгийн арслан Б.Зоригтбаатар, аймгийн арслан Ч.Эрдэнэсайхан нар үлдэв.

Зургийг МҮБХ-ны цахим хуудаснаас авав.

Б.БУЯНДАЛАЙ

Энэ мэдээнд таны өгөх үнэлгээ
Like
Love
Haha
Wow
Sad
Angry
Таг

Холбоотой мэдээ

2 Сэтгэгдэл

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button