АШУҮИС-ийн захирал Ж.Цолмонг огцрохыг шаардаж, жагслаа
АШУҮИС-ийн захирал Г.Батбаатарыг 2018 оны долдугаар сард үүрэгт ажлаас нь чөлөөлж, Эрүүл мэндийн сайд асан Ж.Цолмонг үүрэг гүйцэтгэгчээр томилсон билээ.
Дээрх шийдвэрийг Г.Батбаатар эрхзүйн үндэслэлгүй шийдвэр хэмээн үзэж шүүхэд гомдол гаргасны дагуу гурван шатны шүүхээр түүнийг үндэслэлгүй халсныг тогтоож, Г.Батбаатарыг үүрэгт ажилд нь эгүүлэн томилох болон шийдвэрийг албадан биелүүлэх захирамж хүртэл гарсан ч өнөөг хүртэл томилоогүй байгаа аж.
Иймд АШУҮИС-ийн багш нар өнөөдөр /2020.01.16/ БСШУСЯ-ны гадна тус сургуулийн захирал Ж.Цолмонг шүүхийн шийдвэр биелүүлэн огцрохыг шаардаж, жагслаа.
Мөн салбарын яаманд долоо хоногийн хугацаатай шаардлага өргөн барилаа. Нэгдүгээр сарын 21-нд нааштай хариу өгөхгүй бол тэмцлийн дараагийн хэлбэрт орно хэмээн мэдэгдсэн байна.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.