Загвар өмсөгч Ч.Чамин-Эрдэнэ 2018 оны аравдугаар сарын 24-нд 17:25 цагт Хан-Уул дүүргийн 15 дугаар хорооны нутаг дэвсгэр, Энхтайваны гүүрний зүүн талд орших “KH apartment” хотхоны байрнаас унаж нас барсан байдалтай олдсон билээ.
Энэхүү хэргийг дүүргийн прокурорын газраас гадны нөлөөгүй, амиа хорлосон хэмээн үзэж, хаах шийдвэр гаргаж байсан юм. Харин ар гэрийнхэн болон өмгөөлөгчид нь бусдын гарт амиа алдсан байж болзошгүй гэж хардаж байгаа.
Тэгвэл уг хэргийг Улсын Ерөнхий прокурорын газраас сэргээн, дахин шалгахаар болсон байна. Энэ дагуу мөрдөн байцаах ажиллагаа 2019 оны арваннэгдүгээр сараас эхэлж, өнөөдрийг хүртэл үргэлжилж байгаа гэдгийг эх сурвалж хэлж байна.
У.УЯН
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.