Хөдөлмөрийн хөлсний доод хэмжээ 1 сая төгрөг болсноор ХХОАТ-аас 100 хувь чөлөөлөгдөхгүй
УИХ-ын хаврын чуулганаар Татварын ерөнхий хуульд нэмэлт, өөрчлөлт оруулах тухай хуулийн төслийн эцсийн хэлэлцүүлгийг хийсэн.
УИХ-ын гишүүн Ж.Баярмаа нарын гишүүдийн өргөн барьсан хувь хүний орлогоос 1 хувь авдаг болох тухай хуулийн төслийг Засгийн газраас өргөн барьсан хуультай нэгтгэж, хэлэлцүүлэн батлуулсан билээ.
Ингэснээр иргэн бүр гар дээр авч буй цалингынхаа 792 мянган төгрөгийн ХХОАТ-аас чөлөөлөгдөж байсан бол хөдөлмөрийн хөлсний доод хэмжээг 1 сая төгрөг болгосноор хөнгөлөлт эдлэх боломжгүй болсон гэсэн үг.
Энэ нь хөдөлмөрийн хөлсний доод хэмжээгээр буюу 792 мянган төгрөгөөр цалинждаг байсан иргэний цалин 1 сая төгрөг болж нэмэгдсэнээр 208 мянган төгрөгийн зөрүүн дээрээсээ 10 хувийн ХХОАТ буюу 20,800 төгрөг татварт төлнө.
Өөрөөр хэлбэл хууль батлагдсаны араас нэмэлт, өөрчлөлт оруулаагүй тохиолдолд ХХОАТ-аас чөлөөлөгдөх хувь хэмжээ 792 мянган төгрөг гэж тусгасан буюу хөдөлмөрийн хөлсний доод хэмжээтэй уялгүй зөвхөн тоон хэмжээ заасан учраас ирэх оны 1-р сарын 1-ээс уг хууль хэрэгжиж эхлэх үед ХХОАТ-аас бүрэн чөлөөлөгдөх боломжгүй болж буй.
Т.БАТСҮРЭН
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.