Амаржихаар очоод амиа алдсан эмэгтэйн дөрвөн хавирга нь амьсгал хураахаас өмнө хугарсан байжээ

Өнгөрөгч тавдугаар сард “Өргөө” амаржих газар амаржихаар очсон 37  настай Ч гэх эмэгтэй эндсэн билээ. Талийгаачийн шүүх шинжилгээний хариу гарсан бөгөөд түүнийг амьсгал хураагаагүй байхдаа дөрвөн хавирга нь хугарч, уушгины шокоос үүдэн нас барсан гэсэн дүгнэлт гарсан байна. Талийгаачийн ээж болон дүү нь энэ асуудлаар удаа дараа өргөдөл гомдол гаргаж байгаа хэдий ч Эрүүл мэндийн яамны зүгээс асуудлыг шүүхээр шийдүүлнэ үү гэсэн хариуг өгсөн байна. Тиймээс талийгаачийн ээж Ерөнхий сайд У.Хүрэлсүхэд өргөдөл гаргаж байгаагаа өнөөдөр мэдээллээ.

Шүүх шинжилгээний дүгнэлтэд үндэслэн талийгаачид хиймэл амьсгаа хийх явцдаа зүүн талын дөрвөн хавиргыг хугалсан нь амь насаа алдахад хүргэсэн гэж ар гэрийнхэн нь үзэж байгаа аж. Мөн шүүх шинжилгээний дүгнэлтээр талийгаачид кесар хагалгааг эрт хийх байсан гэсэн дүгнэлтийг гаргасан юм байна.

Б.АМАР

Энэ мэдээнд өгөх таны үнэлгээ

Хуваалцаарай Жиргээрэй