НҮБ-ын хүний эрхийн комиссар хиймэл оюун ухаан хүн төрөлхтөнд аюул учруулж болзошгүйг анхаарууллаа
НҮБ-ын хүний эрхийн асуудал хариуцсан дээд комиссар Волкер Турк даваа гарагт /2026.09.07/ мэдэгдэл хийхдээ, хиймэл оюун ухаан хүн төрөлхтөнд аюул учруулж болзошгүй гэж анхааруулжээ. Мөн тэр хиймэл оюун ухаан хөгжүүлэгч компаниудыг боломжит эрсдэлүүдийг бууруулахыг уриалж ажиллана гэсэн байна.
Турк долоодугаар сард дээд комиссараар сонгогдсон юм. Тэрбээр даваа гарагт /2026.09.07/ НҮБ-ын Хүний эрхийн зөвлөлийн өмнө анх удаагаа үг хэлжээ. Турк “Дэвшилтэт хиймэл оюун ухаан хүн төрөлхтөнд оршихуйн эрсдэл учруулж магадгүй гэж салбарын мэргэжилтнүүд санаа зовниж буйд би санал нийлж байна. Хиймэл оюун ухааны аюулгүй байдлыг хэтэрхий оройтохоос нь өмнө бүрэн баталгаатай хангахыг уриалж байна” гэсэн юм.
Тэрбээр мөн АНУ-ын цагаачлалын албаны ажиллагааны улмаас хүн нас барсан тохиолдол, ОХУ дайны талбарт хиймэл оюун ухаантай автономит дрон ашиглаж буйд хариуцлага тооцохыг уриалжээ.
Эх сурвалж: Reuters
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Устга!