НийгмийнУЛС ТӨР

“Их хуралдай”-г 2 тэрбумаар барьсан “Мөнх-Өргөө” ХХК 6.6 тэрбумын ЕСӨН тендэр төрөөс авчээ

Сүүлийн үед Хэнтий аймагт сүндэрлэсэн түүхэн бүтээн байгуулалтууд цахим сүлжээнд төдийгүй олон нийтийн хэвлэл мэдээллийн хэрэгслүүдийн шүүмжлэлийн бай болоод байна. Хэнтий аймгийн Батноров суман дахь Андлалын өргөө, Биндэр суман дахь Их хуралдай цогцолборын аль аль нь олны хэлэлцүүлгээр ид оров. Улсын төсвийн бүхэл бүтэн 4 тэрбумаар бүтсэн ч шавар тагзнаас хэтрээгүй эдгээр барилгуудыг миялж, басхүү ашиглалтад бүрэн ороогүй хэмээн өмөөрөн хаацайлагсад ч байна. Маш товчоор бол Ч.Хүрэлбаатар, Л.Оюун-Эрдэнэ нарын далд чимхэлцээн явагдаж байгаа нь нууц биш. Өөрөөр хэлбэл зорилготой харлуулж, бас зорилготой өмөөрөгчид бий болчихлоо.

Харин бид хэн нэгний талд орж харлуулах, улсыг төсвөөр туйлсан хэн нэгний эрх ашгийг хамгаалах гэсэнгүй. Барилгыг гүйцэтгэсэн компанийх нь талаарх бодит мэдээллийг цуглуулан хүргэхийг зорив. Өмнө нь бид Андлалын өргөөг 2 тэрбумаар барьсан Хос санаа компанийн талаар хүргэсэн бол энэ удаад Их хуралдайг 2 тэрбумаар барьсан Мөнх Өргөө компанийн талаар хүргэж байна.

ИХ ХУРАЛДАЙ ОРДЫН ИХ БИЕИЙГ 2 ТЭРБУМААР БОСГОСОН, АШИГЛАЛТАД ОРУУЛАХЫН ТУЛД УЛСЫН ТӨСВӨӨС ДАХИН МӨНГӨ АВНА-

Хэнтий аймгийн Биндэр суманд хоёр тэрбум төгрөгийн өртөгөөр баригдсан “Их хуралдай” орд цогцолборыг УИХ-ын гишүүн Л.Оюун-Эрдэнэ  санаачлан, Байгаль орчин, аялал жуулчлалын яам дэмжин ажилласан. Цогцолборын барилга угсралтын ажлын гүйцэтгэгчээр “Мөнх Өргөө” компани 2018 оны наймдугаар сараас хойш ажилласан байдаг. Хоёр жил хагасын хугацаанд барьсан “Их хуралдай орд өргөө”-ний барилгыг комисс хүлээн авсан байна. Цогцолборын гүйцэтгэгчийн зураг төсөвт тусгасан ажлыг хүлээж авах комисс ажиллан, гэрээнд заасан ажлаа бүрэн дуусгасан гэж үзсэн аж.

Хамгийн хачирхалтай нь комисс хүлээж авсан цогцолбор нь бүрэн дуусч ашиглалтад ороогүй. Тодруулбал, цаашид тус барилгад улсын төсвийн хөрөнгөөр нэмэлт ажлууд хийсний дараа үндсэн зориулалтын дагуу ашиглах боломжтой тул тус байгууламжийг дуусаагүй гэж үзэн төрийн өмчийн мэдэлд хариуцуулжээ.

Зөвхөн цогцолборын “их биеийг” босгоход хоёр тэрбум орчим төгрөг зарцуулсан. Ажлаа дуусгах, тохижуулах нэрийдлээр төсвөөс дахин мөнгө “зулгаах” нь тодорхой байгаа юм.

ХӨВСГӨЛИЙН МӨНХ-ӨРГӨӨ КОМПАНИ НЬ ХОТ ХӨДӨӨГИЙН 26 ТЕНДЕРТ ОРОЛЦОЖ, ЕСӨД НЬ ШАЛГАРЧЭЭ-

“Мөнх-Өргөө” компани нийслэлд болоод аймгуудад зарласан төрийн 26 тендерт оролцсоноос ЕСӨД нь шалгарсан байна. Одоо дөрвөн тендерт оролцохоор хүсэлтээ илгээгээд байгаа аж. Тус компанийн шалгарсан тендерийн түүхийг доорх хүснэгтээр дэлгэрэнгүй харуулъя.

Хөвсгөлийн харъяатай эл Мөнх-Өргөө компани нийт 6.6 тэрбумын ЕСӨН тендерт шалгарчээ.

Тухайлахад, Өмнөговь аймагт хоёр, Хөвсгөл аймагт дөрөв, Хэнтийд нэг, нийслэлд хоёр тендер авсан байна.


Компанийн талаарх бидэнд олдсон нэмэлт мэдээллээр, Хөвсгөл аймгийн Улаанбаатар хот дахь нутгийн зөвлөлөөс уламжлал болгон зохион байгуулдаг “Хөх сувд”-2014 оны сүлд модны наадмаар Дэд бүтцийн салбарын шилдгээр “Мөнх өргөө” ХХК-ны захирал Б.Батхишиг шалгарч байж.

Хэнтийд төлөвлөсөн ажлуудын дүр төрх нэг иймэрхүү. Улсын төсвийн буюу татвар төлөгч бидний тэрбум, тэрбум төгрөгөөр туйлсан ажлууд болж хувирч байгаад иргэд бухимдаж, шүүмжилж байна.

Энэ мэдээнд таны өгөх үнэлгээ
Like
Love
Haha
Wow
Sad
Angry
Таг

Холбоотой мэдээ

20 Сэтгэгдэл

  1. manaihan yagaad neg iimerhuu dutuu dulmig ajliig huleej avaad ul###a ulam nermees bolood baidiin boloo. uursdiiguu bodson shunahai humuus wmaa. haa haanaa hariutsalgatai bodlogotoi ajilmaar wmaa

  2. ПРОКУРОР, АТГ ЭНЭ ХЭРГИЙГ ШАЛГАХГҮЙ ЮМУУ, АВИЛГАЛ АЛБАН ТУШААЛЫН ГЭМТ ХЭРЭГ ЯГ ҮЙЛДЭЛ ДЭЭРЭЭ ЯВАГДАЖ БАЙНА.

  3. hudlaa pop gar gedgiin medseer bj saya ahij songoj bdg ni hentiihnii buruu shdee er ni
    odoo toiron hureelegchidee bugdiin darga bolgoson bga shuu unendee bugd medj bga nutgiin garuud ni
    hun chanar muutai chanargui nuhur shdee oyunerdene

  4. Энэ одоо юун овоолсон шавар вэ?. Хүүхдүүдү элмэн дээр тоглохдоо энэнээс хавьгүй илүү цайз, шилтгээн барьж тоглодог биз дээ!!!!! Больж үз

  5. Саяхан Биндэрээр ороод ирсэн. Мус####ьманы сүм шиг, Монгол гэж харагдахгүй, ямар ч ур хийц гайхмаар зүйлгүй, хүнгүй, хог новшиндоо дарагдсан газар харагдсан. Бидний татварын мөнгө хэнд ч хэрэггүй хаягдаж байхаар бухимдаад байна!!!!!!!!

  6. 2 тэрбум гэжүү . Барьсан компани мөнгөн дээр нь ажиллачихсан бна ш дээ нүдний булайнууд

  7. Их хур####дайн дээр байгаа үүрэн телефоны антен шиг юм юу юм . Маш муухай харагдаж байна. Түүхэнд ийм өргөө байдаг юм бол уу.

  8. ичиж үхээч шун####тангуудаа хулгайчуудаа төрийн мөнгө хумслагчидааа АТГ ш####гаач шоронд нь хийгээч улсыг хохтролгүй болгооч нөгаа шударга шүүгч нараа

  9. оюун эрдэнэ худлаа шударга царайлаад сонгуулийнхаа мөнгийг босгоцийм биш үүү АТГ ш####гаач ээ юунаа хийгээд бгам бэээ

  10. Болимоор юм. Хэнд хэрэгтэй юм. Төрийн хүмүүс оногдсон үүрэгт ажлаа л сайн хий. Хаана мөнгөний ажил байна тэр болгон руу шун####тахаа болиоч.

  11. 150 ortoi khuukhdiin tseterleg 1.5 terbum 100 ortoi ni 550 saya 50 ornii zuruu 1 ter bum shakhuu…tsetserlegiin khuukhed ch bodokhoor bna sh dee…arai l ulunuu

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button