Г.Занданшатар Төрийн ордонд пүүзтэй орохыг зөвшөөрөх чиглэл өгчээ
Ангийнхантайгаа Төрийн ордонтой танилцахаар ирсэн боловч пүүз өмссөн байсан тул нэвтэрч чадаагүй хүүгийн тухай мэдээлэл сүүлийн өдрүүдэд сошиал орчинд өндөр авсан. Улмаар "Төрийн ордныг улам нээлттэй болгох хэрэгтэй, хувцсаар ялгаварлахыг зогсоосон нь зөв" гэсэн байр суурь илэрхийлэгдэж байгаа юм.
Тэгвэл өнөөдөр /2022.05.28/ УИХ-ын дарга Г.Занданшатар Төрийн тусгай хамгаалалтын албаны хүмүүсийг дуудаж, уулзсан байна. Үүгээр хүүхэд, залууст Төрийн ордныг нээлттэй байлгах чиглэлийг өгсөн байна. Үүний зэрэгцээ Төрийн ордны хойд цэцэрлэг, Чингис хааны хөшөөний урд талын хэсгийг ч хаалтгүй болгохыг үүрэг болгожээ.
Сайхан мэдээ дуулгая. Өнөөдөр УИХ-ын дарга Төрийн тусгай хамгаалалтын дарга нарыг дуудаж Төрийн ордныг олон нийт,хүүхэд залуучууддаа нээлттэй байлгах,ордны хойд цэцэрлэг,Чингисийн хөшөөний өмнөх талбайг нээлттэй болгох чиглэл өглөө. Ура????????????????Нөгөө пүүз хүртэл ОК шүү.???????????????????? pic.twitter.com/ZAsJCNQS2u
— Л.НИНЖЖАМЦ, NINJJAMTS.L (@NinjjamtsL) May 17, 2022
Энэ талаар УИХ-ын сурталчилгаа, мэдээллийн төвийн дарга Л.Нинжжамц Твиттер хуудастаа жиргэсэн бөгөөд "Нөгөө пүүз ч ок шүү" гэсэн нь анхаарал татаж байна. Энэ нь Төрийн ордонд пүүзтэй орохыг зөвшөөрөх чиглэлийг ч мөн УИХ-ын дарга өгсөн гэж ойлгогдож байна. Харин зөвхөн хүүхэд, залууст хамаарах эсэх нь одоогоор тодорхойгүй байгаа юм.
Г.САНСАРМАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
nerteigeer ni irgeded neelttei bolgochih