Хан-Уул дүүргийн 17-р хороо, "Маршил таун хотхон"-ы зургаан давхарт барилгын шилэн фасад хийж байсан хоёр хүн өчигдөр /06.23. 16:00 / унасан. Улмаар 37 настай Б харамсалтайгаар нас барсан бол 35 настай Э нь НТТТ-өөр ГССҮТ-д хүргэгдсэн.
Бид ГССҮТ-ийг зорилоо. Тус эмнэлэгт хүргэгдсэн иргэн Э-ын биеийн байдлыг сахиур дүүгээс нь тодрууллаа. Тэрбээр "Ах минь таван давхарт, насанд хүрэгчдийн тасагт хэвтэн, эмчлүүлж буй. Биеийн байдал нь одоогоор тогтвортой байна. Баруун хөл нь 2-3 хугарсан. Мөн зүүн хөлийн өсгий хугаралтай, хоёр хавирга хугарсан. Сүүлийн хоёр сар л эл ажлыг хийж буй. Талийгаачтай цусан төрөл биш, танилууд" хэмээв.
Иргэн Э-г эмчлэгч эмчийг Д.Мөнхбаяр гэдэг аж. Бид биеийн байдлынх нь талаар дэлгэрэнгүй мэдээлэл авах гэсэн боловч яаралтай хагалгаа хийхээр орсон тул бид мэдээлэл авч чадсангүй.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Нөгөө л эко шив муу нэртэй луу данстай