Уяачид: УИХ-ын гишүүд амьдралд ойрхон шийдвэр гаргах хэрэгтэй
Улсын баяр наадам болох гэж буйтай холбогдуулан манай сайтын сурвалжлах баг Налайх дүүргийн Наадам толгойг зорилоо. Бид уяачдаас байр суурийг нь авлаа. Учир нь УИХ-ын өчигдрийн /2022.06.28/ чуулганаар Үндэсний их баяр наадмын тухай хуулийн шинэчилсэн найруулгын төслийг хэлэлцэн баталсан. Эл хуулийн 10.1-т " Хурдан морины уралдааныг монгол үүлдрийн адууны стандартад нийцсэн морийг азарга, их нас, соёолон, хязаалан, шүдлэн, даага гэсэн насны ангиллаар зохион байгуулна" хэмээн заажээ. Баяр наадмын тухай хууль батлагдсантай холбогдуулан уяачид байр сууриа илэрхийлж байна.
Уяачид "Эрлийз, монгол гэж олон жил хэрүүл боллоо. Эрлийз гурван нас, монгол зургаан нас гээд уралдуулчихвал зүгээр шдэ. Ер нь УИХ, Засгийн газар шийдвэрээ эрт гаргадаг баймаар юм. Өнгөрсөн жил наадам тулаад ирчихсэн байхад тэмдэглэхгүй гэж мэдэгдсэн. Морь уях гэдэг чинь бүтэн жилийн хөдөлмөр шдэ. Гишүүд мэдлэггүйгээр л юманд хандаад байх шиг байна. Нэг талыг л барьж шийдвэр гаргах юм. Есөн насны морьдыг л уралдуулсан л дээр шдэ. Ер нь жаахан амьдралд ойрхон шийдвэр гаргах хэрэгтэй. Цаг хугацаа, хөдөлмөр зарцуулж байгаа шдэ, уяачид бид чинь" хэмээж байлаа.
ВИДЕО:
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
монгол морио уяачээ Эрлийз уячихаад гомдоод байх юм