Нийгмийн

Өнөөдөр нээгдсэн Замын-Үүд-Эрээний боомтыг зорих иргэдэд өгөх мэдээлэл

Монгол, Хятадын хилийн Замын-Үүд-Эрээн авто замын боомтын зорчигч тээврийн хөдөлгөөн өнөөдөр /2023.01.08/ 08:00 цагаас нээгдлээ. Эхний ээлжинд манай улсаас 300 зорчигч автобусаар нэвтрэх бөгөөд монгол иргэдийг хүлээж авах 22 зочид буудлыг бэлдээд буй ажээ.


Замын-Үүд-Эрээн боомтоор нэвтрэхэд үйлчлэх журам

  • БНХАУ-ын гаалийн аппликэйшныг ухаалаг гар утсаараа эсвэл цаасан хэлбэрээр англи болон хятад хэл дээр бөглөж, урьдчилан мэдүүлнэ.
  • Монгол Улсаас БНХАУ-д зорчих иргэд явахаасаа 48 цагийн өмнө PCR шинжилгээний сөрөг хариутай байна. Коронавирусийн халдварын халуурах зэрэг шинж тэмдэг илэрсэн болон PCR шинжилгээний хариу эерэг гарвал Хятадын хилээр нэвтрүүлэхгүй. 
  • БНХАУ-д зорчоод буцаж ирж буй монгол иргэд эрүүл мэндийн асуумж бөглөнө.
  • Монгол Улсад ирэх хятад иргэд эрүүл мэндийн асуумж бөглөж хил нэвтэрнэ. 
  • Ням гаргаас 8-аас доош хүний суудалтай, 20 машиныг өдөрт хилээр нэвтрүүлнэ. Суудлын автомашинд авч явах ачааны хязгаарыг хатуу баримтална. Тээврийн хэрэгслийн жолооч болон тээврийн хэрэгслийн мэдээллийг Хятадын талын түншээрээ дамжуулан тус улсын гаалийн байгууллагад урьдчилан бүртгүүлнэ.
  • Эрээн хот руу өдөрт нэвтрэх ачаа тээврийн 100 машины бүртгэлийг Замын-Үүд дэх АТҮТ хариуцна. Монгол жолооч нар хил гараад тусгаарлагдахгүй. Өөрсдөө ачаагаа ачна. Хилээр нэвтрэхээс 48 цагийн өмнө өгсөн PCR  шинжилгээний сөрөг хариутай байх шаардлагатай.
  • Ачаа барааг машины заагдсан даацаас хэтрүүлэхгүй байна. Даац хэтэрсэн бол Эрээн хотын гаалийн ухаалаг систем гаргахгүй. Орж ирж буй барааны хадгалах хугацааг шалгах, халдваргүйжүүлэлтийг гаалийн байгууллага холбогдох журмын дагуу хийнэ.
  • БНХАУ аялал жуулчлал болон эмчилгээний зорилгоор зорчих иргэдийг нэвтрүүлэхгүй.
  • Хуучин загварын "УАЗ-469" маркийн машиныг хил хооронд ашиглахгүй.

Эрээн хотод монгол иргэдийг хүлээж авах 22 зочид буудлын нэр


БНХАУ руу зорчих гэж буй иргэдэд зориулан Эрүүл мэндийн яамнаас зөвлөмж гаргажээ.

  1. Онцын шаардлагагүй бол халдварын тархалт өндөртэй улс оронд зорчихгүй байх
  2. Дотоод орчин, нийтийн тээврийн хэрэгсэл, олон хүн цугларсан газарт амны хаалт заавал зүүж, 2 цаг тутамд солих
  3. Гараа бохирдсон тухай бүр савандаж угаах, эсвэл гар халдваргүйжүүлэгч ашиглах
  4. Хүн хоорондын зай барих
  5. Коронавируст халдвар (Ковид-19)-аар өвдсөн болон дархлаажуулалтад хамрагдснаас хойш 6 сар өнгөрсөн бол дархлаа сэргээх тунд хамрагдах
  6. Хуурай ханиалгах, хоолой өвдөх, хоолой сэрвэгнэх зэрэг шинж тэмдэг илэрсэн тохиолдолд бусдаас өөрийгөө тусгаарлан амны хаалт тогтмол зүүх, эрүүл мэндийн байгууллагад хандах
  7. Ханиах, найтаах зэрэг халдварын шинж тэмдэгтэй хүнээс зай барих
  8. Нэг тавагнаас олноор иддэг хоолноос татгалзах
  9. Хил хяналтын байгууллагын тавьсан шаардлага, эрүүл мэндийн байгууллагын зөвлөмжийг дагаж мөрдөх
Энэ мэдээнд өгөх таны үнэлгээ
Like
Love
Haha
Wow
Sad
Angry

Э. Булган

СУИС-ийн Радио телевиз, медиа урлагийн сургуулийг төгссөн. Сэтгүүл зүйн салбарт гурван жил ажиллаж байна. “Үүр цайхын өмнө” яруу найргийн түүвэр, “Дөт” хамтарсан ном хэвлүүлсэн. Г.Сэр-Одын нэрэмжит шагналтай. МУИС-ийн Улс төрийн мэдээлэл харилцааны магистрант.

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

guest
3 Сэтгэгдэл
Хуучин
Шинэ Шилдэг
Inline Feedbacks
View all comments
Зочин
Зочин
2023-01-08 10:31

Манай руу орж байгаа хятад иргэд pcr шинжилгээгүй зөвхөн асуумж бөглөөд нэвтэрч байхад хятад чвж байгаа монгол иргэд яагаад заав## pcr шинжилгээ өгсөн байх ёстой юм бэ. Манай монголын нөхөд иргэдийнхээ төлөө ажиллаж чадахгүй хятадын т##д дээрэлхүүлээд байгаа юм уу хаашаа пм бэ. Нэгэнт хил нээсэн юм бол өдөрт 300 хүн гэж хязгаар тогтоож яах гээд байгаа юм бэ. Энэ тэнэг шийдвэрээ хоёр т##ын тэнэгүүд боливол таарна.

шаналах иргэн
шаналах иргэн
2023-01-08 11:33

Монгол Улсад ирэх хятад иргэд эрүүл мэндийн асуумж бөглөж хил нэвтэрнэ.
шинжилгээнд хамруулаач ээ. дэлхий түгшиж бна ..........

Зайлуул
Зайлуул
2023-01-08 16:55

За ингээд Ковидын үүд нээгдлээдээ. Яанам билээтэй

Холбоотой мэдээ

Back to top button