Допинг илэрсэн гурван бөхийг өнөөдөр зарлаж магадгүй ба хариуг өөрсдөд нь танилцуулж эхэлжээ

Үндэсний их баяр наадмын хүрээнд 32 бөх, 16 харваачаас допингийн шинжилгээ авсан. Улмаар сорьцыг ХБНГУ-ын Дрезден хотын лабораторид шинжлүүлсэн юм.

Хариу 48 цагийн дотор гарч, Үндэсний их баяр наадам зохион байгуулах комисст ирсэн. Ингэхэд 44 шинжилгээ сөрөг гарсан байв. Харин дөрвөн шинжилгээний хариу сэжигтэй буюу нягтлан шинжлэх шаардлагатайд тооцогдсон.

Түүнчлэн, дээрх дөрвөн шинжилгээний нягталсан хариу гарсан талаар бид бямба гарагт мэдээлсэн.

Дөрвөн сорьцын нэгийг бол допингийн хориотой бодис гэж үзэхэд эргэлзээтэй байгаа гэх. Харин үлдсэн гурав нь баталгаажжээ.

Тэдгээр нь 5-7-гийн даваанд зодоглосон, улсын томоохон цолгүй бөхчүүд гэдэг нь илэрхий болоод буй юм.

Тэгвэл, Үндэсний их баяр наадам зохион байгуулах комисс, Үндэсний бөхийн салбар хороо хамтран өнөөдөр мөнөөх дөрвөн шинжилгээний хариуг, нэрийн хамт зарлахаар төлөвлөсөн гэх мэдээлэл байна.

Албаны хүмүүс энэ тал дээр тодруулга мэдээлэл өгөхөөс татгалзаж байгаа юм.

Үүний дээр, 48 шинжилгээний хариуг эцэслэн гарсанд тооцож, тамирчдад танилцуулаад эхэлжээ. Өөрөөр хэлбэл өнөөдрийн байдлаар шинжилгээ өгсөн 32 бөх, 16 сур харваач өөрсдийн хариуг мэдсэн байна.

Тавын даваанд 32 бөх зодоглосон. Долоогийн даваанд найм. Эдгээр бөхийн нэрстэй танилцъя:

ТАВЫН ДАВАА:

ДОЛООГИЙН ДАВАА:

Үндэсний их баяр наадам зохион байгуулах комиссоос мэдээлэхдээ, сэжигтэй дөрвөн сорьц бөхийнх үү, харваачийнх уу гэдгийг урьдчилан мэдэх боломжгүй хэмээсэн. Гэхдээ "Бөхчүүд" гэж хэд хэдэн удаа үгийн алдаа гарган ам алдсанаас гадна эх сурвалжууд ч дөрвөн бөхийн шинжилгээ эргэлзээтэй гарсныг бататгаж байсан юм.

М.ТЭНГИС

Энэ мэдээнд өгөх таны үнэлгээ

Хуваалцаарай Жиргээрэй