НийслэлХУУЛЬ

Хятад иргэдээс хураасан компьютеруудыг тусгай “хамгаалалттай” газарт хадгалжээ

Эрүүгийн цагдаагийн албаныхан нийслэлийн гурван дүүрэгт гүйцэтгэх ажил явуулж, нэр бүхий таван зочид буудлаас цахим луйвар үйлдсэн байж болзошгүй 800 гаруй хятад иргэнийг саатуулсан билээ. Улмаар манай улсаас албадан гаргаж Нанжин хотод хорьж шалгаж буй.

Тэдгээр олон тооны Хятад иргэдээс өндөр хүчин чадал бүхий 1000 орчим компьютер, ухаалаг гар утас, 10 мянга гаруй үүрэн холбооны дата сим картууд, онц их хэмжээний бэлэн валют, тансаг зэрэглэлийн автомашинуудыг хураан авсан.

БНХАУ-ын иргэд Монгол Улсын хилээр их хэмжээний бэлэн ба бэлэн бус валютыг хууль бусаар нэвтрүүлэн, цахим бүлэглэлийн үйл ажиллагааг явуулсан хэмээгдээд буй. Тодруулбал, шалгалтын явцад дээрх иргэд нь олон тооны гар утас, компьютероор цахимаар мөрийтэй тоглоом тоглодог байжээ. Нэг хүн 3-5 төхөөрөмжөөр нэвтэрч тус тоглоомд оролцож буй иргэдийн бооцооны мөнгийг авч байсан нь тогтоогдсон гэх.

Тэгвэл тэднээс хураан авсан их хэмжээний компьютер, гар утсыг  өндөр хамгаалалт бүхий газарт тусгайлан байршуулсан байна. Хураан авснаас хойш ямар нэгэн байдлаар хэрэглээгүй аж.

Түүнчлэн Хятад Улсаас шинжээчдийн баг ирчихсэн ажиллаж байгаа бол манайхаас ажлын хэсэг томилогдон хамтарч ажиллаж байгаа юм байна.

Таг

Холбоотой мэдээ

1
СЭТГЭГДЭЛ

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

avatar
140
1 Сэтгэгдлүүд
0 Сэтгэгдлүүдийн хуриултууд
0 Дагагч
 
Топ сэтгэгдэл
Халуухан сэтгэгдлийн хэсэг
Шинэ Хуучин Шилдэг
Иргэн
Иргэн

Сайн харж хамга***ахгүй бол нөгөө17.н чингэлэг спирт ус болдог шиг гэнэт ***га болж хулхиар солигдсон байх ви дээ наадах чинь нэг л том нөлөө бүхий луйварчин ард нь байж л байгаа даа

Back to top button