Нийслэлийн ИТХ-ын ээлжит хуралдаанаар Засгийн газрын 62 дугаар тогтоолын хэрэгжилтийг хангах хүрээнд хэрэгжүүлж буй ажлын танилцуулгыг сонслоо. Уг тогтоолын хүрээнд нийслэлээс 220 мянган айлыг угаар мэдрэгчээр хангах юм байна.
Хуралдааны үеэр нийслэлийн Засаг даргын Агаар, орчны бохирдлын асуудал хариуцсан төслүүдийн удирдагч Д.Мөнхжаргал 62 дугаар тогтоолын хэрэгжилтийг хангах, сайжруулсан түлшийг хэрэглэж, утааг бууруулах ажилд хүн бүрийн оролцоо бий болж, хүчээ нэгтгэж, үр дүнд хүрч байгааг онцолж, ажлын үр дүнг танилцуулжээ. Тэрбээр угаар мэдрэгч эхний ээлжид 50 мянган ширхэг ирсэн бөгөөд энэ сарын 29-нөөс суурилуулж эхлэх тухай мэдэгдлээ.
Утаа мэдрэгчийг айл өрхүүдэд нийлүүлэх шийдвэрийг Засгийн газар өнгөрсөн аравдугаар сард гаргасан. Энэ ажилд зургаан тэрбум төгрөг зарцуулахаар тооцсон бөгөөд Хятад улс руу захиалж, эхний ээлжийн 50 мянган төхөөрөмж ирж буй нь энэ ажээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.