Улсын онцгой комиссын даргын тушаалаар байгуулагдсан шуурхай хэсгийн бүрэлдэхүүн өнөөдөр /2025.03.12/ Дорнод аймгийн Хөлөнбуйр суманд ажиллаж, гал түймэрт өртсөн айл өрхөд иж бүрэн гэр болон бусад тусламжийг хүлээлгэн өгч байна.
УОК-ын нарийн бичгийн дарга, хурандаа Т.Баярхүү:
-Санамсаргүй, анхаарал болгоомжгүй өчүүхэн жижиг зүйлээс болж маш их хэмжээний хохирол учирсан харамсалтай зүйл тохиолдлоо. Гэсэн хэдий ч түймэрт өртөж, орон гэрээ алдсан айл өрхүүдэд Монгол Улсын Засгийн газар, УОК-оос эхний ээлжид гэр олгох, мөн тухайн айл өрхийг малжуулах, дараагийн удаад амьжиргааг дэмжих, эрүүл мэндийн тусламж үйлчилгээг үзүүлэх зэрэг цогц арга хэмжээг авч хэрэгжүүлэхээр холбогдох байгууллагуудын төлөөлөлтэй хамтраад ажиллаж байна. Мөн зүүн бүсээс сонгогдсон УИХ-ын гишүүд бидэнтэй цаг тутамд холбогдож ажиллаж байгаа.
Эхний ээлжид бид Хөлөнбуйр сумын түймэрт өртсөн айлуудад гэрийг хүлээлгэн өглөө. Тусламжийн багцад таван ханатай гэрээс гадна хүнсний багц, өргөн хэрэглээний бараа, хөнжил, гудас зэрэг багтсан.
Шуурхай ажлын хэсгийн зорилго бол зүүн аймгуудад ойрын өдрүүдэд гарсан түймрийн хор уршгийг арилгах, түймэрт өртсөн айл өрхүүдэд УОК-ын тусламжийн барааг хүргэхээр ажиллаж байна" гэлээ.
Б.НОМТ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Онцгой байдлын байгууллага муу ажиллаж байгаа нь мэргэжлийн бус хүмүүсээр удирдуулж байгаа үнэн төрх нь хөдөө орон нутгийн онцгой албаны байгууллагууд урьдчилан сэргийлэх ажлаа муу зохион байгуулж байна урьдчилан сэргийлэх арга хэмжээ авч малчдын орон гэр хашаа саравчаа тойруулаад өнжмөл өвсийг нь шатааж цурам татах наад захын арга хэмжээ аль эрт авсан бол гайгүй л давар байсан даа
Харуул
Наад малчид чинь эрсдэлээс өөрийгөө хувь хөрөнгөө хамгаалах талаар хуруугаар хөдөлгөхгүй бна адаглаад 2 ш гал унтраагч авах талууд татах гээд зөндөө арга бна