БНСУ-ын хүнсний томоохон үйлдвэрлэгч Оттоги компани түүхий эдийн үнийн өсөлтөөс шалтгаалан бэлэн гоймонгийнхоо үнийг 7.5 хувиар нэмэхээр болжээ.
Сүүлийн хоёр жил үнээ нэмээгүй тус компани ирэх дөрөвдүгээр сарын 1-нээс гоймонгуудынхаа үнийг нэмэх аж. Энэхүү үнийн өсөлт нь 27 төрлийн бэлэн гоймонгийн 16-д хамаарах бөгөөд дундаж өсөлт 7.5 хувь байна.
Үнэ нэмэгдэж буй гоймонгууд:
- Жин Рамен 716 воноос 790 вон болж үнэ нь 10.3 хувиар,
- Odong Tongmyeon 800 воноос 836 вон болж 4.5 хувиар,
- Jjaschelin 800 вон болж 10.3 хувиар тус тус нэмэгдэх юм.
Оттоги компани энэхүү үнийн өсөлтийг валютын ханшийн өсөлт болон хөдөө аж ахуйн бүтээгдэхүүн, нийтийн аж ахуйн үйлчилгээ, ажиллах хүчний зардал нэмэгдсэн зэргээс үүдэж буй хэмээн тайлбарлажээ.
Эх сурвалж: News.nate
Д.ЖАРГАЛМАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
хүн авах нь л багасах байх даа, хямд болохоор нь л хүмүүс их авч иддэг биз дээ? угаасаа ч хүнд нэг их шим тэжээл өгөөд байхаар хүнс биш шүү дээ
энэ өмхий бэлэн гоймонг инпортлохоо болио