Урин дулаан зуны улирал ирсэнтэй холбоотойгоор бага насны хүүхэд гол усанд осолдох, нүхэн жорлонд унах гэх зэрэг ослууд нэмэгддэг. Үүний нэг жишээ Ховд аймгийн Жаргалант сумын нутагт болжээ. Тодруулбал: ОБГ-ынхан бага насны хүүхэд нүхэн жорлонд унасан тухай дуудлагыг зургадугаар сарын 13-ны 23:22 цагт хүлээн авчээ.
Улмаар тус аймгийн Онцгой байдлын газрын Эрэн хайх, аврах бүлгийн алба хаагчид 2 км замыг туулан 23:25 цагт очиход 1 нас 7 сартай, эмэгтэй хүүхэд 5 метрийн гүнтэй нүхэн жорлонд унаж осолдсон байсныг 5 минут ажиллан цогцсыг гаргаж Цагдаагийн байгууллагад шилжүүлэн өгсөн болохыг ОБЕГ-аас мэдээллээ.
СЭРЭМЖЛҮҮЛЭГ: Зуны улирал ирж буйтай холбоотой бага насны хүүхдэдээ тавих анхаарал халамжаа сайжруулах, ил нүхэн жорлондоо цоож хийх, хүүхэд дотогш орохоос сэргийлээрэй.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.