Д.Тогтохсүрэн: Том төслийн гүйцэтгэгчийг тендергүйгээр сонгохыг МАН-ыг бүлэг дэмжихгүй

УИХ дахь МАН-ын бүлэг өнөөдөр /2022.05.23/ хуралдлаа. Хуралдаанаар гурван асуудлыг хэлэлцсэн талаар тус намын бүлгийн дарга Д.Тогтохсүрэн мэдээлэл өглөө.

Тэрбээр "Бүлгийн хурлаар гурван асуудал хэлэлцсэн. Нэгдүгээрт, Төрийн болон орон нутгийн өмчийн тухай хуулийн өөрчлөлтийг хэлэлцлээ. Хоёрдугаарт, Төрийн албаны тухай хуульд нэмэлт, өөрчлөлт оруулах тухай хуулийн төслийг хэлэлцлээ. Гуравдугаарт, Засгийн газраас өргөн мэдүүлсэн Хувьчлал хүчингүй болгох тухай УИХ-ын тогтоолын төслүүдийг хэлэлцлээ.

Төрийн болон орон нутгийн өмчийн тухай хуулийн төслийн өөрчлөлтийг УИХ-д хэлэлцэх эсэхийг нь шийдэх гээд явж байгаа. МАН-ын бүлэг завсарлага авсан. Өнөөдрийн өргөн барьсан хуулийн хүрээнд нь гишүүд байр сууриа нэгтгэх шаардлагатай. Хэлэлцээд хэлэлцэх эсэхийг нь дэмжинэ, гэхдээ Ажлын хэсэг гаргах нь зүйтэй гэж үзлээ. Тус хуулийн төслийн 34 зүгээр зүйл буюу “Улс орны нийгэм эдийн засгийн томоохон төсөл арга хэмжээний гүйцэтгэгчийг гэрээ байгуулан сонгоно” гэсэн заалтыг дэмжиж болохгүй гэж үзсэн. Мөн 3.13-т “УИХ-аас баталсан хөгжлийн төслийн жагсаалтад орсон төсөл, арга хэмжээнд шаардлагатай санхүүжилтийн 30-аас доошгүй хувийг төрийн өмчит болон төрийн өмчийн оролцоотой аж ахуйн нэгж санхүүжүүлэх бол энэ хуулийг дагаж мөрдөхгүй” гэдэг заалт байгаа. Эдгээр заалтуудыг цаашид ажлын хэсгийн түвшинд хасаж, бусад заалтыг дэмжих нь зүйтэй гэж үзсэн.

Хоёрт, Төрийн албаны тухай хуулийн төслийн өөрчлөлтийг Засгийн газраас өргөн барьсан. Энэ хуулийн хоёр заалт дээр онцгой анхаарч ажиллаж байна. Шалгалт өгөөгүй иргэнийг гэрээггээр авч ажиллуулж болно гэсэн заалтыг шүүмжилсэн. Бүлэг дээр ярилцаад хэлэлцэх эсэхийг дэмжинэ. Ажлын хэсэг гаргахаар тогтлоо. Энэ хуулийг зарчмын хувьд дэмжинэ, гэхдээ нэг жилийн хугацаанд төрийн албанд орж самрах үйдлийг гаргуулж болохгүй гэдэг дээр санал нэгдсэн" гэлээ.  

Энэ мэдээнд өгөх таны үнэлгээ

Хуваалцаарай Жиргээрэй