Суудлын автомашин автозамын гэрэлтүүлгийн багана мөргөж, улмаар жолооч нь хавчуулагдсан хэрэг гарлаа.
Тодруулбал, Налайх дүүргийн хоёрдугаар хороо, Буян Налайх худалдааны төвийн автозамын уулзварт дээрх хэрэг гарсан байна. Энэ талаарх дуудлагыг Онцгой байдлын хэлтсийн гал түймэр унтраах, аврах 28 дугаар ангийн алба хаагчид гуравдугаар сарын 8-ны 06.36 цагт хүлээн авчээ.
Дуудлагын дагуу хэргийн газар очиход 19 настай Т согтууруулах ундаа хэрэглэсэн үедээ приус 20 загварын суудлын автомашиныг жолоодсон байжээ. Улмаар автозамын гэрэлтүүлгийг мөргөхдөө автозамын төмөр хийцэд хавчуулагдсан байсныг эсэн мэнд гаргаж, хүлээлгэн өгсөн байна.
А.ДАВАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.