"Эрдэнэс Тавантолгой"-н хараат бус гишүүд 1.7 сая бусад нь 800 мянган төгрөгийн цалинтай

Засгийн газрын хэрэгжүүлж буй 5Ш ажиллагааны "Шилэн" ажиллагааны хүрээнд хэд хэдэн мэдээллийг нээлттэй, олон нийтэд ил болгож буй. Тэгвэл өнөөдөр төрийн өмчит зарим компаниудын ТУЗ-ийн гишүүдийн цалингийн мэдээллийг ил болгоогүй нь олон нийтийн зүгээс шүүмжлэл хүртсэн юм.

Тэгвэл өнөөдөр зарласан нэмэлт компаниудын талаарх мэдээллээс хүргэе.

Харин өнөөдөр дээрх мэдээллүүдийг ил болголоо. Тухайлбал, "Эрдэнэс Тавантолгой" ХК-ийн ТУЗ-ийн гишүүд 840 мянга болон 1.68 сая төгрөгийн цалин авдаг ажээ. Ингэхдээ хараат бус гишүүд нь 1,680,000 төгрөг авдаг аж.

Хараат бус гишүүд нь,

• Ж.Чимэдцэрэн - "Голомт консалтинг" ХХН гишүүн, өмгөөлөгч
• Б.Мөнхзаяа - "Үндэсний цэцэрлэгт хүрээлэн" ОНӨТҮГ захиргааны албаны дарга, хуульч
• Э.Тэмүүлэн - "Wintech" ХХК-ийн гүйцэтгэх захирал
• Х.Болор-Эрдэнэ - "Дорнод газар" ХХК-ийн гүйцэтгэх захирал, өмнө нь "Монгол Росцветмет" ТӨХК-т Ерөнхий захирлын албыг хашиж байсан ажээ.

Харин дараах гишүүд 840 мянган төгрөгийн цалин авдаг байна.

• Ч.Энх-Амгалан - “Эрдэнэс Монгол” ХХК-ийн хэлтсийн дарга
• Д.Баярбат - “Эрдэнэс Монгол” ХХК Санхүү, эдийн засаг хариуцсан дэд захирал
• Б.Ганхуяг
• С.Мөнхчулуун - ШӨХТГ-ын дарга асан, Улсын ерөнхий байцаагч
• Ж.Ганбат - БЭТ
• Б.Уянга
• Д.Батбаатар юм.

"Эрдэнэс Тавантолгой"-н Ж.Ганбатыг өнгөрсөн долоо хоногийн баасан гарагийн чуулганаар бүрэн эрхт төлөөлөгчийнх нь хугацааг хагас жилээр сунгасан билээ.

Харин "Эрдэнэс Тавантолгой"-н гүйцэтгэх захирал асан Б.Ганхуяг ч дээрх хэмжээний цалинг авч буй ажээ. Түүнийг нүүрсний тодотголтой хэрэгт яллагдагчаар татсан юм.

Энэ мэдээнд өгөх таны үнэлгээ

Хуваалцаарай Жиргээрэй