Их эзэн Чингис хааны мэндэлсний 857 жилийн ой өнөөдөр /2019.11.27/ тохиож байна. Ойн хүрээнд Монгол Улсын Ерөнхийлөгч Х.Баттулга “The Hu” хамтлагт “Чингисийн одон” олгох юм. Одон олгох ёслолын ажиллагаа Төрийн ордонд 11.40 цагт болно.
Тус хамтлаг гадаадад тоглолтой яваа тул хамлагийн продюсер тэднийг төлөөлж шагналыг гардах юм.
Энэ талаар The HU хамтлагийн продюсер Б.Дашдондог хэлэхдээ “АНУ-д тоглолттой яваа. Арванхоёрдугаар сарын дунд хүртэл тоглолттой. Нийт 60 гаруй тоглолттой. 60 гаруй тоглолтоос 30-40 ийг л тоглоод байна. Би төлөөлж очиж авна даа. Хамтлагийнхан маань ирж чадахгүй л дээ. Төлөвлөсөн тоглолттой учраас таслаж болохгүй. Гэрээтэй ажил шүү дээ” хэмээсэн билээ.
Дашрамд, Чингисийн одонг энэ жил анх удаа хамтлаг, байгууллагад олгодог болж байгаа билээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.