Нийслэлийн ерөнхий боловсролын Нэгдүгээр сургуулийн багш нар захиралтайгаа хамтран ажиллах боломжгүй гэдгээ мэдэгдэж 70 гаруй багш нар ажлаасаа халагдах өргөдлөө өгсөн тухай бид өмнө нь мэдээлж байсан билээ.
Тодруулбал, тус сургуульд “Есдүгээр сарын 30, Аравдугаар сарын 1-ний өдрүүдэд сурагчдын үдийн цайнд гарал үүслийн баталгаагүй, чанаргүй хүнс нийлүүлснээс үүдсэн” маргаан багш захирлын дунд гарч байв. Улмаар хүүхдүүдэд чанаргүй хүнс өгснөөс зарим сурагчийн бие эвгүйрхсэн асуудлыг анх олон нийтэд мэдээлсэн багшийг Д.Цогзолмаа захирал ажлаас нь халж ёс зүйгүй үйлдэл гаргасан гэх мэдээлэл ч гар байсан юм.
Сурагчдын үдийн хоолноос үүдсэн маргаан даамжирсаар 70 гаруй багш болон сургуулийн захирлын үүрэг гүйцэтгэгчээр ажиллаж байсан Д.Цогзолмаа хүртэл ажлаасаа чөлөөлөгдөх хүсэлтээ өгөөд байсан юм.
Тэгвэл үүний дагуу Д.Цогзолмааг ажлаас нь чөлөөлж Нийслэлийн ерөнхий боловсролын нэгдүгээр сургуулийн захирлаар З.Бат-Эрдэнийг томилсон байна. З.Бат-Эрдэнэ нь нэгдүгээр сургуульд 20 гаруй жил математикийн багшаар ажилласан нэгэн ажээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
mundag bagsh shu . amjilt husie ee.