Хөгжлийн банкны гэх хэргийг Улсын дээд шүүх өнгөрсөн оны арванхоёрдугаар сарын 2-ны өдөр хянан хэлэлцсэн. Улмаар 80 хүн, дөрвөн хуулийн этгээдэд холбогдох энэ томоохон хэргийн материалыг нэгтгэж, тогтоолоо албажуулахын тулд 30+30 хоногийн турш ажиллаад байгаа юм.
Тэгвэл Улсын дээд шүүхээс өнөөдөр шүүхийн тогтоолыг хэргийн оролцогч нарт гардуулахаар болжээ.
Үүнд УИХ-ын гишүүн Дав.Цогтбаатар багтаж буй. Түүнийг Хөгжлийн банкны хэрэгт гэм буруутай гэж үзэн торгох, нийтийн албанд томилогдох эрхийг хасах ял оноосон юм. Ингэхээр түүний УИХ-ын гишүүний бүрэн эрх хөндөгдөнө. Харин шүүхийн тогтоол албажаагүй гэдэг шалтгаанаар энэ процесс саатаж, намрын чуулган завсарласан билээ.
Өнөөдөр хэргийн бүх оролцогч шүүхийн тогтоолыг гардаж авснаар УИХ-ын гишүүн Дав.Цогтбаатарыг эгүүлэн татах үндэслэл бүрдэж байна.
Г.САНСАРМАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.