Гадаад харилцааны сайд Б.Батцэцэгийн урилгаар Шинэ Зеланд Улсын Шадар сайд бөгөөд Гадаад хэргийн сайд Уинстон Питерс Монгол Улсад албан ёсны айлчлал хийхээр энэ сарын 27-нд Улаанбаатар хотноо хүрэлцэн ирээд байна.
Шадар сайд бөгөөд Гадаад хэргийн сайд У.Питерс болон дагалдан яваа төлөөлөгчдийг “Чингис Хаан” олон улсын нисэх онгоцны буудалд Монгол Улсаас Шинэ Зеланд Улсад хавсран суугаа Элчин сайд Д.Даваасүрэн болон албаны бусад хүмүүс угтсан юм.
Шадар сайд бөгөөд Гадаад хэргийн сайд У.Питерс айлчлалынхаа үеэр Монгол Улсын Их Хурлын дарга Д.Амарбаясгалан, Ерөнхий сайд Л.Оюун-Эрдэнэд бараалхаж, Гадаад харилцааны сайд Б.Батцэцэгтэй албан ёсны хэлэлцээ хийнэ.
Энэхүү айлчлал нь Шинэ Зеланд Улсаас Шадар сайд бөгөөд Гадаад хэргийн сайдын түвшинд 2013 оноос хойш хэрэгжиж буй анхны айлчлал бөгөөд Монгол Улс, Шинэ Зеланд Улсын хооронд дипломат харилцаа тогтоосны 50 жилийн ойн хүрээнд хэрэгжиж буй айчлал гэдгээрээ онцлог юм.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Манай Шаазан хүүхэн хэд хоног малилзаж суухым биз дээ !