Иргэн Р.Сэддорж Ерөнхий боловсролын сургуулийн бүх сурагчдад "Үдийн цай" өгөх санал гаргаж, Dparliament.mn дээр гарын үсэг цуглуулж эхэлжээ. Тэрбээр тус санал гаргаснаар "Сурлагын чанарыг дээшлүүлэх, боловсролын хүртээмжийг нэмэгдүүлэх, орлого багатай өрхийн хүүхдүүдийн сурах идэвхийг нэмэгдүүлэхэд бодит хувь нэмэр оруулах ач холбогдолтой" хэмээн үзэж буй аж. Одоогийн байдлаар тус өргөдөлд 2460 хүн гарын үсэг зурсан байна.
Түүнчлэн "ирэх оны нэгдсэн төсвийн төслийн Боловсролын арга хэмжээний 15-р хавсралт Үдийн цай хөтөлбөрийн 141.326,9 төгрөг гэснийг УИХ-ын 2024 оны 10 дугаар тогтоолын 3 дахь хэсэгт заасны дагуу Эрдэнэс Монгол ХХК түүний нэгдлийн болон бусад төрийн өмчийн оролцоотой аж ахуйн нэгжүүдийн 340,1 тэрбум төгрөгийн ногдол ашгийн төлбөрийн өрийг барагдуулах замаар 274.865,8 тэрбум төгрөгөөр нэмэгдүүлэн улмаар бүх сурагчдыг "үдийн цай" хөтөлбөрт хамруулах боломжтой" гэж үзжээ. Тус өргөдөлд 12-р сарын 7 өдрийн 11:47 цаг хүртэл иргэд дэмжиж саналаа өгөх боломжтой юм. Хэрэв өргөдөлд 100000 хүн гарын үсэг зурж дэмжвэл УИХ-аар хэлэлцэх боломжтой.
Б.АЗЖАРГАЛ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Дэмжиж байна
бүх суралцагчдад ялгалгүй өгөх хэрэгтэй
Дэмжиж байна
Дэмжиж байна