УЛС ТӨР

МАН-ЫН МӨРӨӨДӨЛ: “Ерөнхийлөгчтэй л болно”, үүний тулд ХҮН, МАХН, хүсвэл АН-ыг ч “ХУДАЛДАЖ АВНА”

АН-ынхан ер эвээ олохоо байсан ийм үед МАН “зэвүүн” нэгдэж чадаж байна. Гол амбиц нь, түүхт 100 жилийн ойн дээрээ Ерөнхийлөгчийн сонгуульд ялах явдал. Яг эл агуулга дээрээ намдаа гомдож нэгэн үес буруу тийш харсан улс, удирдлагын багаас жийгдэгсэд, эдүгээ ид эрх мэдлээ атгаж яваа гэхчлэн бүхий л сегментүүд нь нэгдэж чадаж буйгаараа АН-аас их ялгаатай аж. Ийм үед МАН-ын генсек тэргүүтний тархи ч айхтар гүйж, санал хувааж болох бүх цэгүүд дээрээ ажиллаж байна.

НЭГ: Э.БАТШУГАРТ МАНДАТ ӨГӨХ ЗАМААР МАХН-ТАЙ НЭГДЭЖ, АХМАДУУДЫН САНАЛЫГ ТАТАХ АРГАЧЛАЛ

МАН МАХН нэрээс Х үсгээ авч хаяж, үндсэн агуулгаараа урагшилсан ч яг эл намд хайртай, социалист үеийн ахмадуудаа Н.Энхбаярт “алдсан”. Судалгаагаар МАН хуучин МАХН нэрэнд үнэнч үлдэгсдээс үүдэж, 5-6 хувийн санал алддаг гэгддэг. Ердөө 2-3 хүн нийт масс хамарсан сонгуульд өрсөлдөх үеэр үүнийг дахин нугалсан санал алдах эрсдэл МАН-д шууд тулгарна гэсэн үг. Тиймээс ч МАХН-тай аятай эвтэй байж, 100 жилийн ойгоо хамтран тэмдэглэх замаар сонгуульд нэгдэх гарц боловсруулж байна.

Гэхдээ МАХН-ыг тийм ч хямд төсөр авчих боломжгүй. Аль өнгөрсөн намраас эл цикл дээр Ерөнхийлөгчийн тархи гүйж, Н.Энхбаярыг төмөр замын ажил дээрээ хүртэл аваачиж амжсан. Тэгэхээр МАН өнөөгийн нөхцөлд Н.Энхбаярт тал засахаас өөр ямар ч аргагүй. Ерөнхий сайд Л.Оюун-Эрдэнэ түүнтэй уулзаж, “Засгийн газар МАХН-ын бодлогыг дэмжиж ажиллана” гэж авсан нь бүр арга ядсан үйлдэл. Парламентад ердөө ганц суудалтай намыг эрх баригчид ингэж гуйж буй. Улмаар хаврын СХД дээрх нөхөн сонгуульд Э.Батшугарт МАН мандат олгох тохироо хийгдсэн нь бараг тодорхой болчхоод байна.

ХОЁР:  ХҮН-ЫГ ХАЛААСАНДАА ХИЙЖ, С.ЭРДЭНИЙН АН-ЫН ЭСРЭГ АКЦИЙГ САНХҮҮЖҮҮЛЭВ

УИХ-ын гишүүн Т.Доржханд ХҮН-ын даргаар сонгогдоход МАН-ын генсек, Ч.Хүрэлбаатар тэргүүтнүүд толгой дараалан нүүр хуудсандаа баяр хүргэв. Ер анзаарвал,  ХҮН-ын жагсаалтыг цагтаа 5 тэрбумаар арилжих хэлцэл хийж явсан гэгддэг Т.Доржханд Сангийн сайд асан Ч.Хүрэлбаатарын бодлогыг илтэд дэмжиж, эерэг шүгэл үлээх болсоор удав. Тэднийг хөшигний ард хамаатан садан гэгдэх бөгөөд УИХ-ын сонгуулийн үлэмж зардлаа МАН-аар гаргуулсан гэх яриа хөвөрдөг.

Саях орон нутгийн сонгуулиар ч ХҮН-ынхан МАН-ынханд ер бусын элгэмсэг байж, НИТХ-д орсон төлөөлөгчид нь Д.Сумъяабазараас толгой дараалан албан тушаал авлаа. Олон нийтийн өмнө нэг их сайхан чөлөөт эдийн засаг, хөгжлийн гарц ярьсан ХҮН-ын залуус эдүгээ жинхэнэ утгаараа МАН-ын халаасны “хүүхэлдэй” болов. Тэднээс ч тулхтай С.Эрдэнэ МАН-аас санхүүжилт авах замаар өөрийн удирдаж явсан АН руу ноцсон гэдгийг намынх нь гишүүд хүлээн зөвшөөрчхөөд байна. АН-ын хүч сул, улс төрчдийн өнгө мөнгөнд дуртай, хэргээ наймаалцдаг байдал МАН-д ихээхэн олз болсон гэж харагдаж буй.

ГУРАВ: Л.НАРАНБААТАР, А.АМУНДРА, С.МӨНХЧУЛУУН НАРЫГ МАН-Д ЭЛСҮҮЛЖ,  ТЭДНИЙГ “АШИГЛАЖ” ЭХЛЭВ

Л.Наранбаатарыг эдийн засагч гэхээсээ илүү MCS зүгээс санхүүжилт авч, Х.Баттулгыг үзэн ядах чиглэлд мэргэшсэн хүн гэж дүгнэвэл үнэнд арай ойртохоор. УИХ-ын сонгуулиар нэр дэвших эрхийн зөрчил үүслээ гэж уйлан дуугарч явсан Л.Наранбаатар МАН-д элсэж, Ерөнхийлөгч Х.Баттулгыг баруун солгойгүй муулсан байдлаар телевизүүдийн эфирт суух болов. МАН түүнд 2024 онд УИХ-ын сонгуульд нэр дэвших мандат амлаж, хариуд нь ийм  ажил хийлгэхээр тохирсон логик эндээс үнэртэнэ.

Ерөнхийлөгчид хэлбэр дүрсгүй, дүрэмгүй сэтгэдэг “Херо” Б.Баатар бий. Тэр нэг тийм итгэл үнэмшлээрээ сонгуулиар Ерөнхийлөгчид ажиллахаар болсон гэгдэж буй. Тэгэнгүүт нь МАН сөргүүлээд Б.Баатартай хамгийн ойртож очиж ажиллахаар тархитай А.Амундраг намдаа элсүүлж, Ерөнхий сайдын пи-арыг хариуцуулав. Түүнчлэн СХД-ийн нөхөн сонгуульд МАН-ын угшилтай саналыг хамгийн их хуваах магадлалтай С.Мөнхчулууныг намаасаа хөөсөн тогтоолоо засав. Түүний намдаа хайртай байдлаар нь уярааж байгаад нөхөн сонгуулийн мандатаас түдгэлзүүлэх гарцаа ч тэд өлхөн олохоор.

СЭТГҮҮЛЧИЙН ТЭМДЭГЛЭЛ: Сүүлийн хэдэн сард МАН-ын маш ухаалгаар хийсэн алхмууд энэ. Өөрөөр хэлбэл намын гадуур шугаман дээр тэдэнд шавар хааж болох бүхнийг нэгтгэж, мөнгөөр АН-ын эсрэг жижиг намуудыг турхирах ажлын бэлтгэлээ бүрэн хангаж дууслаа. Энэ завсар хоорондоо эв учраа ололцож, Ерөнхий сайдаа Л.Оюун-Эрдэнэд өгчхөөд, У.Хүрэлсүх Ерөнхийлөгчийн сонгуульд бэлдэх бясалгалаа эхлүүллээ. МАН угшилтай яг төрийн ажил нугалж байсан зарчимтай, тэргүүлэгч технократууд, супер мэдлэгтэй залуус нь цүнх баригчдаас бүр жийрхэж, гаднаас нь ажиглах болсон. Гэвч ахмад, дунд, залуу үеийн балансаа алдлаа гээд МАН-ын нэгдэл сарниж алга болсонгүй. Хачирхалтайгаар тэд нэгдэж, замынхаа өөг хамтдаа засаж эхэллээ. Сайны сигнал уу, муугийн бэлтгэл үү гэдгийг хэдхэн сарын дараа харах нь ээ. Их хүсэл бас эрэг хад мөргөх нь ч бий, элэн хальж жигүүрээ дэлгэх нь ч бий.

Энэ мэдээнд таны өгөх үнэлгээ
Like
Love
Haha
Wow
Sad
Angry
Таг

Холбоотой мэдээ

28 Сэтгэгдэл

  1. АН-ын худраггүй хулгайч нар мөн ч их бачимдаж боож үхэхэд бор шидмэс дутуу гэгчээр эрх баригчдыг харлуухаар мөнгө цацаж эхэлжээ.

  2. Энэ мангаруудад 30 жил удирдуулаад дээрдсэн юм бна уу хөөрхий. Нөгөөх л ажилгүйдэл ядуур#### бахь байдгаараа, нэг ч үйлдвэр завод баригдсангүй. Хүмүүсийнх нь байгаа царай нь энэ бна даа.

  3. ev eviig erhemelwel ail ger ch gesen ungutei uutei yadag bus uu archaagui zan gargaj ard irgedee taltsan huwaaj uuriin erh ashigiig deedelwel haa hureh bilee dee Ardchilsan namaa huwaaj idsen odoo ard tumniig huwaah zorilogtoi jenko chi odoo boliwol yasan yum

  4. Хүрэлсүх эр зориг гаргаж луйвардуулсан үйлдвэр завод, уул уурхай, ####т эрдэнсийн ордуудаа АН-аас буцаан төрдөө авсан гавьяаг нь Монголын арл түмэн үнэлж дэмжицгээнээ, өөр зам байхгүй.
    АН гарв#### буцаагаад ####дана.

  5. Битгии тэнэгтээд бай. Чам матиин оркууд цөөн бгаасай. Одоо тэгээд МАН-ынхны луйвардаж авсан бүхнииг хэн эргүүлж авахуу?????Адилхан цөөвөр чононууд шүү наадуул чинь. Нэрииг нь МАНАН гдэг юм.

  6. хүрэлсүх ерөнхийлөгч болх нь зөв дөө түүний засгийн газрын үед л хөл толгойгоо олж эхэлсэн гэдгийг бүгд мэднэ АН үнэхээр хэцүү хүмүүс дээ нэг өдөр л монголыг худладчихаад гараад явж мэднэ шүү

  7. Намуудын тэнцвэртэй байдлыг хангах хэрэгтэй.МАН лав ШҮҮХ, АТГ зэргийг хармаандаа хийлээ. Одоогийн байгаа ерөнхий сайдад ахдсан эрх өглөө.Ерөнхийлөгчийн эрх мэдлийг ямарч аргаар болсон хамаагүйгээр авахаар улайрч байна.Үгүй нэг намын эрх мэдэлд нэг намын дарангуйл####д орохгүй шүү .1921-1990 он хүртэл юу болсон билээ гээд бод доо.Одоо ч төсөвийг бүрдүүлэхдээ торгуулийн мөнгө зохих хэмжээг эзэлдэг болжээ.Өмч хөрөнгийг чинь хураасантай адил сонсогдож байна.

  8. МАН бусад намаа худ####даж авлаа гэж бодьё. Худ####дагдсан намуудын л хохь байхгүй юу. Худ####даж авсан нам хүчирхэг байна гэж бод

  9. МАНАН 31 жил удирдаад өнөөдөр өр өвчин хоёрын орон болсон. Үүний эсрэг үнэнч зүтгэж буй ганцхан ерөнхийлөгч бол Х.Баттулга. Энэ хүний эсрэг дотоодын дайснууд урвагч хулгайч улс төрчид намчид армиараа сүрэглэн дайрч болдогсон бол ####хад ойрхон болтлоо улайрлаа.Хорионд удаж өлөн зэлмүүн байгаа ард түмнээ мангөөр хуурах ажилдаа идэвхийлэн орлоо. Монголчууд ийм арчаагүй байхад хэдхэн хулгайчуудын гарнаас гарч хүний х####дашгүй бүрэн эрхээ эдлэнэ гэвэл сансны гарз нэг өглөө сэрхэд чинь радиогоор чинь хятадын төрийн дуул#### эгшиглэнэ!!!

  10. Хүрэлсүх гэж нэг боловсролгүй танхай нөхөрт хууль дүрэм жудаг ёс суртахуун байна уу
    Ичгүүр сонжуургүй дандаа б####иар хогиин юм хииж байх юм

  11. Их сайн ажиглаж, сайн бичсэн байна шүү. Сэтгүүлч бүсгүйд баяр хүргье. Нээрээ л эргэж харж бодмоор зүйл олон болсон байна. Сануулж, сэргээж, нэгийг бодуулсанд баярл####аа. Иймэрхүү часхийсэн чанартай нийтлэл олныг бичээрэй. Баярл####аа. МАН-ын булайг сайн илчлээрэй хэхэ

  12. ЗА больёо. хүрэлсүх шиг сүг, болчимгүй новшоор ерөнхийдөгч болгож тэнэгтэхгүй шүү. хүнд үед аягүй бол ерөнхийлөгч хийхээ болилоо би чадахгүй нь гээд төрийг самарч зугатана

  13. Сонгууль дөхөөд энэ хүүхэн ч эрээ цээр гэж ####га оо, Монголчууд чиний но г мэдий ш дээ, нээх шударга дүртэй шантажчин

  14. Жэнко бол зүгээр л адгийн луйварчин. Хэнийг ч зарна. Хэнийг ч худ####даж авна. Энэ хүнд эх орон гэж байгүй. Тангад Түвд хүн. Монгол ялагдсан.

  15. МАН олонхи АН эрхбиш бүлэгтэй одоо ХҮН-ээсс ерөнхийлөгч сонгогдвол удирдлагын арай зохистой харьцаа бий уолох юм шиг ээ

  16. Улс оронд маань ашигтай эрх ашигт нь нийцэж байдаг бол 100 жилээрээ МАН ерөнхийлөгчтэй болсон ч яадаг юм

  17. улс орныг нэг намын тэр тусмаа коммунистуудын гарт ягаад ч өгч болохгүй хойт солонгос шиг болох гээгүй юм бол.ухнын хүүгээр улс орноо самруулах гээгүй юм бол хүрэлсүх туучийг больж үз

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button