УЛС ТӨРУлс төрийн мэдээ

7 ЯАМ: ТНБД шалгаруулах хүсэлтээ ХОЁР нь өгч, ХОЁР нь түр өөр хүнд хариуцуулжээ

Цар тахлын хуулийн үйлчлэлийн хугацаа дуусгавар болохтой зэрэгцэн эл хуулиар томилогдсон үүрэг гүйцэтгэгч дарга нарын үүрэг ч дууссан. Тодруулбал, Засгийн газар 2023.01.11-ний өдрийн хуралдаанаараа зургаан яамны Төрийн нарийн бичгийн дарга нарыг чөлөөлсөн билээ. Үүнд:

  • Эдийн засаг, хөгжлийн яамны ТНБД Х.Батжаргал
  • Соёлын яамны ТНБД С.Оюунбилэг
  • Уул уурхай, хүнд үйлдвэрийн яамны ТНБД Б.Бямбадагва
  • Цахим хөгжил, харилцаа холбооны яамны ТНБД Ч.Золбаяр
  • Эрчим хүчний яамны ТНБД Н.Тавинбэх
  • Эрүүл мэндийн яамны ТНБД Ц.Эрдэмбилэг нар чөлөөлөгдсөн юм.

Тэгвэл эдгээр албан тушаалууд одоо хүртэл эзэнгүй байгаа юм. Эдгээр яамд Төрийн албаны зөвлөлд сонгон шалгаруулалт явуулах хүсэлтээ өгөх ёстой. Гэвч өнөөдрийн байдлаар Эрчим хүчний болон Цахим хөгжил, харилцаа холбооны яам хүсэлтээ өгөөд байгаа аж. Харин БШУЯ сонгон шалгаруулалт зарлаад, явуулаад эхэлчихсэн ч шалгарсан тухай мэдээлэл алга. Бусад нь сураггүй. Уг нь хүсэлтээ ирүүлсэн тохиолдолд ТАЗ хүсэлтийг нь хянаад, буцааж ч болох ном журамтай.

Ийнхүү ТАЗ-д сонгон шалгаруулалт явуулах хүсэлтээ өгөхгүй байгаа нь хоёр шалтгаантай гэгдэж байна. Нэгт, зарим яамны ТНБД ажлаа үргэлжүүлэн хийсээр байгаа гэх. Хоёрт, хэн нэгэн албан тушаалтанд эл албыг давхар хариуцуулсан гэх.

Тухайлбал, Эрүүл мэндийн яаманд гэхэд Ц.Эрдэмбилэгийг явснаас хойш Газрын дарга С.Төгсдэлгэр хариуцаж байгаа аж. С.Төгсдэлгэр нь УИХ-ын гишүүн Ж.Чинбүрэнгийн гэргий юм. Харин Цахим хөгжил, харилцаа холбооны яаманд гэхэд ТНБД-ын албыг н.Батцэцэг гэх ажилтан нь түр хариуцаж байгаа аж.

Ийнхүү ТНБД-ын шинэ сонгон шалгаруулалтыг яамд өөрсдөө гацааж хагас сарын нүүрийг үдээд байгаа нь энэ юм.

Энэ мэдээнд өгөх таны үнэлгээ
Like
Love
Haha
Wow
Sad
Angry

П. Урнаа

Утга зохиол судлаач, сэтгүүлч мэргэжилтэй. Сэтгүүл зүйн салбарт зургаан жил ажиллаж байна. Улс төрийн сэдвээс гадна шүлэг бичдэг. “Зүрхний хэлээр” яруу найргийн түүвэр хэвлүүлсэн. Eguur.mn сайтын улс төрийн албаны модератор, редактораар ажиллаж байна.

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

guest
3 Сэтгэгдэл
Хуучин
Шинэ Шилдэг
Inline Feedbacks
View all comments
Зочин
Зочин
2023-01-26 12:43

Чинбүрэнгийн экс

ujimaa
ujimaa
2023-01-26 20:22

chinburen gej hoshuugaa unjuulsan z####i er gishuun bolood mun ch hereg zavhruulj bndaa!

Зочин
Зочин
2023-01-27 14:48

Zolbayar uruunduu suuj l bailee shdee, tuslah muslahtaiggaa, bur uruuguu tohijuulj zaswar ntr hiichihsen, ajilchid ni hurtel Turiin nariin gej duudsan heweeree kkkkk

Холбоотой мэдээ

Back to top button