Л.Амарбаясгалан: "ЭТТ"-д таван сарын хугацаагаар онцгой дэглэм тогтооно

Өнөөдөр /2023.11.29/ Засгийн газрын ээлжилт хуралдаанаар гаргасан зарим шийдвэрийг танилцууллаа. Энэ үеэр ЗГХЭГ-ын дарга Л.Амарбаясгалан "Эрдэнэс тавантолгой" хувьцаат компанитай холбоотой дараах мэдээллийг хийлээ.

Тэрбээр, "Эрдэнэс тавантолгой" хувьцаат компанид бүрэн эрхт төлөөлөгчийг сонгон ажиллуулсан нэг жилийн хугацаанд ямар өөрчлөлт гарав гэдэдг тухайд зарим зүйлийг хэлье. Өнгөрсөн нэг жилийн хугацаанд энэхүү бүрэн эрхт төлөөлөгч ажиллахдаа Засгийн газрын 362, 385 дугаар тогтоолыг хэргэжүүлж ажилласан. Ингэхдээ нүүрсийг биржээр борлуулах ажлыг зохион байгуулж, нүүрсний борлуулалтыг сайжруулж чадсан. Мөн нүүрс тээврийн үйлчилгээ эрхэлж буй компаниуд гадны улсад татвар төлж байсанд анхаарч дотооддоо болгосон. Цаашлаад Уулын ажил гүйцэтгэх ажил гүйцэтгэх зардлыг "Эрдэнэс тавантолгой"-оос дахин тооцоолж, бууруулсан. Ингээд зогсохгүй 2023 онд Эрдэнэс Монголын харьяанд ажиллаж байгаа компаниудын ашиг сайжирсан дүгнэлт гарсан.

Мөн хууль зөрчсөн байж болзошгүй асуудлуудыг хуулийн байгууллагат шилжүүлсэн. Бүрэн эрхт төлөөлөчийг томилон ажиллуулснаас хойш 3.3 тэрбум ам долларын үнэлгээтэй 32.8 сая тонн нүүрсийг борлуулсан. Төсөвт 3.3 их наяд төгрөгийн татвар хураамжийг төвлөрүүлсэн. Энэ оны гүйцэтгэлээр 65 сая тонн нүүрсийг экспортод гаргах юм байна. Цаашлаад үүнийг худалдан авч байгаа Хятадын талын компаниудтай яриа хэлэлцээр хийж энэ хэмжээг 80 сая тоонн хүргэх боломжтой гэж урьдчилсан байдлаар тооцоолж байна" гэв.

Тус компанид анх 2022 оны аравдугаар сарын 26-нд онцгой дэглэм тогтоож, Сангийн Яамны Төрийн нарийн бичгийн дарга Ж.Ганбатыг зургаан сарын хугацаанд БЭТ-өөр томилон ажиллуулсан. Харин энэ хугацаа нь өндөрлөх үеэр дахин зургаан сараар сунгасан нь энэ оны аравдугаар сарын 26-нд дууссан юм. Холбогдох хуулийн дагуу нэг сарын хугацааны дараа дахин БЭТ томилж буй нь энэ.

Энэ мэдээнд өгөх таны үнэлгээ

Хуваалцаарай Жиргээрэй