ДЭЛХИЙЭРҮҮЛ МЭНД

Коронавирусийн халдвараар 132 хүн нас барж, 103 хүн эмчлэгджээ

Өнөө өглөөний /2020.01.29/ мэдээллээр БНХАУ-д эрчимжээд буй шинэ төрлийн коронавирусийн халдвараар өвчилсөн 5997 хүн, халдвар авсан байж болзошгүй 9239 тохиолдол байгаа бол 132 хүн нас барж, 103 хүн эмчлэгджээ.

Ташрамд дурдахад, өчигдөр /2020.01.28/ Эрүүл мэндийн яамнаас Австралийн дэлхийн эрүүл мэндийн байгууллагын дүрмийг хэрэгжүүлэгч байгууллагатай холбогдон Монгол Улсын иргэн шинэ коронавирусийн халдвар авсан эсэх талаар нягталлаа. Эх сурвалжаас нягталсан мэдээллээр тус Монгол Улсын иргэн маань халдвар аваагүй, халдвар авсан хүнтэй онгоцоор Гуанжугаас Мэльбурн нисч очсон байна.

Тодруулбал, ᠋”Монгол Улсын иргэн Гуанжугаас Австралийн Мельбурн хотод 2019.01.19-ний өдөр нисч очсон. Очихдоо шинж тэмдэггүй байж байгаад шөнө нь халуурч, 01.25 нд шинжилгээгээр шинэ коронавирусээр өвчилсөн болох нь тогтоогдлоо. “гэсэн мэдээг Австралийн дэлхийн эрүүл мэндийн байгууллагын дүрмийг хэрэгжүүлэгч байгууллагаас манай улсад мэдээлсэн юм. Үүний дагуу холбогдох эрүүл мэндийн байгууллагатай холбогдон шалгахад Монгол Улсын иргэн шинэ коронавирусийн халдвараар халдварлаагүй болохыг мэдээллээ.

Т.САНТ

Энэ мэдээнд өгөх таны үнэлгээ
Like
Love
Haha
Wow
Sad
Angry
Таг

Холбоотой мэдээ

Back to top button