Малайзын Далайн аюулгүй байдлыг сахиулах газраас Монгол Улсад бүртгэлтэй хөлөг онгоцыг Жохорын далайд хууль бусаар зорчиж явахад нь саатуулсан байна. Энэ тухай Straitstimes сайтад долдугаар сарын 26-нд мэдээлэгджээ.
Ахмад Моод Зулфади Наяан хэвлэлд өгсөн тодруулгадаа, онгоцыг долдугаар сарын 25-ны 14.30 цагт, Танжун Балаугаас зүүн зүгт 9.4 милийн зайд саатуулсан хэмээсэн байна.
Харин тус хөлөг онгоцонд 31-41 насны Индонезийн харьяат дөрвөн хүн сууж явсан аж. Тэд Сингапураас Грек рүү сэлбэг хэрэгсэл зөөвөрлөх зорилготой байсан гэж мэдүүлжээ.
Г.САНСАРМАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.